ഓടിക്കൊണ്ടിരിക്കെ കെഎസ്ആർടിസി ബസിന്റെ ചില്ലുകൾ തകർന്നു വീണു

പാലക്കാട്: തൃശ്ശൂരിൽ നിന്നും പാലക്കാട്ടേക്ക് പോയിക്കൊണ്ടിരുന്ന കെഎസ്ആർടിസി ബസിന്റെ മുൻവശത്തെ ചില്ലുകൾ തകർന്നു. കുഴൽമന്ദം കഴിഞ്ഞ മണലൂരിൽ എത്തുന്ന സമയത്താണ് ചില്ല് തകർന്നുവീണത്. ഉടൻ തന്നെ ബസ് കെഎസ്ആർടിസി ഗ്യാരേജിലേക്ക് മാറ്റി. ഓടിക്കൊണ്ടിരിക്കെ ചില്ല് തകർന്ന് ഡ്രൈവറുടെ ശരീരത്തിലേക്ക് വീഴുകയായിരുന്നു. ഡ്രൈവറുടെ കൈയിലെ പരുക്ക് ഗുരുതരമല്ല. ബസിൽ യാത്രക്കാരുണ്ടായിരുന്നു.സംഭവത്തിന് പിന്നിലെ കാരണമെന്തെന്ന് പരിശോധിച്ചു വരികയാണ്.