സരിനെ സ്ഥാനാർഥിയാക്കിയത് പാലക്കാട് എൽഡിഎഫ് ജയിക്കാനാണ്; എം.വി. ഗോവിന്ദൻ

തിരുവനന്തപുരം: പാലക്കാട് എൽഡിഎഫ് ജയിക്കാനാണ് പി സരിനെ സ്ഥാനാർഥിയാക്കിയതെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദൻ.മണ്ഡലം തിരിച്ചുപിടിക്കും. സിപിഎം- ഇടത് വോട്ടുകൾ ചോരില്ലെന്നും അദ്ദേഹം പറഞ്ഞു. ഇടതു മുന്നണിയെ ഇല്ലാതാക്കി എന്ന പ്രചരണത്തിനു മറുപടിയാണ് പാലക്കാട്, ചേലക്കര തെരഞ്ഞെടുപ്പ് രാഷ്ട്രീയമെന്നും അദ്ദേഹം പറഞ്ഞു.ഉപതെരഞ്ഞെടുപ്പിൽ ബിജെപിയെ ജയിപ്പിക്കാൻ ഷാഫി നേരത്തെ ധാരണയുണ്ടാക്കിയത് സരിൻ തുറന്നു പറഞ്ഞു. കൂടെ കിടന്നവർക്കേ രാപനി അറിയാനാകൂ എന്നത് സരിനിലൂടെ വ്യക്തമായെന്നും അദ്ദേഹം പറഞ്ഞു.