ബൈക്കും ഓട്ടോയും കൂട്ടിയിടിച്ച് ബൈക്ക് യാത്രികർക്ക് ദാരുണാന്ത്യം

മുണ്ടക്കയം: കോരുത്തോട്ടിൽ ബൈക്കും ഓട്ടോയും കൂട്ടിയിടിച്ച് യുവാക്കൾക്കു ദാരുണാന്ത്യം. ബൈക്ക് യാത്രികരായ കോരുത്തോട് സ്വദേശി മടുത്തങ്കിൽ രാജേഷ് (31), നടുവിലേതിൽ രതീഷ് (കിഷോർ-51) എന്നിവരാണ് മരിച്ചത്. ഓട്ടോറിക്ഷ ഡ്രൈവർ ശശിധരനും പരുക്കേറ്റു.കോരുത്തോട് അമ്പലംകുന്ന് ഭാഗത്ത് ശനിയാഴ്‌ച രാവിലെ 9.30നായിരുന്നു അപകടം. മുണ്ടക്കയത്തേക്ക് വരികയായിരുന്ന രാജേഷ് ഓടിച്ച ബൈക്ക് നിയന്ത്രണംവിട്ട് ഓട്ടോയിൽ ഇടിക്കുകയായിരുന്നു. ഉടൻതന്നെ ആശുപത്രിയിൽ എത്തിച്ചെങ്കിലും ഇരുവരെയും രക്ഷിക്കാനായില്ല. ഓട്ടോറിക്ഷയിൽ ഉണ്ടായിരുന്നവർക്കും പരിക്കേറ്റെതായി നാട്ടുകാർ പറഞ്ഞു.