പാലായിൽ വിജയദശമി പഥസഞ്ചലനം നടന്നു

പാലാ പന്ത്രണ്ടാം മൈൽ വീരസവർക്കർ നഗറിൽ രാഷ്ട്രീയ സ്വയംസേവക സംഘത്തിന്റെ ജന്മദിനമായ വിജയദശമി ആഘോഷത്തിന്റെ ഭാഗമായി മീനച്ചിൽ ഖണ്ഡിന്റെ ആഭിമുഖ്യത്തിൽ പാലായിൽ പഥസഞ്ചലനവും പൊതു പരിപാടിയും ശാരീരിക പ്രദർശനവും നടന്നു. പരിപാടിയിൽ റിട്ട. പോലീസ് സൂപ്രണ്ട് ടോജൻ വി. സിറിയക് അധ്യക്ഷനായി. ആർഎസ്എസുകാർ നീതിയുടെ ഭാഗത്തുനിന്നാണ് പ്രവർത്തിക്കുന്നതെന്നും അച്ചടക്കവും ദേശഭക്തിയും ആർഎസ്എസുകാരുടെ മുഖമുദ്രയാണെന്നും അദ്ദേഹം പറഞ്ഞു. കോട്ടയം വിഭാഗം പ്രൗഢ പ്രമുഖ് എസ് ഹരികുമാർ മുഖ്യപ്രഭാഷണം നടത്തി.വ്യക്തികളിൽ ഞാനെന്ന ഭാവം ഇല്ലാതാക്കുകയാണ് രാഷ്ട്രീയ സ്വയംസേവക സംഘത്തിൻറെ പ്രവർത്തനത്തിലൂടെ സംഭവിക്കുന്നത് എന്ന് അദ്ദേഹം വ്യക്തമാക്കി. പൊൻകുന്നം സംഘ ജില്ലാ സംഘചാലകനും ജന്മഭൂമി ചീഫ് എഡിറ്ററുമായ കെ എൻ രാമൻ നമ്പൂതിരി മീനച്ചിൽ ഖണ്ഡിന്റെ സംഘചാല കെ കെ ഗോപകുമാർ എന്നിവർ സംബന്ധിച്ചു. ഖണ്ഡിന്റെ കാര്യവാഹ് വിവേക് സ്വാഗതം പറഞ്ഞു. കേസരി വാരികയുടെ പ്രചരണ ഉദ്ഘാടനം ഭരണങ്ങാനം ഐഎച്ച്എസ്എം ഹോസ്പിറ്റലിലെ സീനിയർ ഫിസിഷ്യനും സംസ്ഥാന സെക്രട്ടറിയുമായ ഡോ. ജി ഹരീഷ് കുമാറിന് നൽകിക്കൊണ്ട് ജില്ലാ സംഘചാലകൻ രാമൻ നമ്പൂതിരി നിർവഹിച്ചു.