പെൺകുട്ടിയെ കാണാൻ പോകുന്നത് വിലക്കി : : മധ്യവയസ്‌കന് നേരെ ആക്രമണം

അടിമാലി: രാത്രിയിൽ പെൺകുട്ടിയെ കാണാൻ പോകുന്നത് തടഞ്ഞയാളെ ആക്രമിച്ച സംഭവത്തിൽ പ്രതി പിടിയിൽ.വാളറ ദേവിയാർ കോളനിയിൽ വാടകക്ക് താമസിക്കുന്ന അറക്കുളം അശോക കവലയിൽ അമ്പാട്ട് സുബിൻ ബിജു(26)നെ അടിമാലി പൊലീസ് അറസ്റ്റ് ചെയ്തത്.

ദേവിയാർ നാല് സെന്റ് കോളനി കുന്നേൽ സുനിലാണ് (47) പരിക്കേറ്റ് ആശുപതിയിൽ ചികിത്സയിൽ കഴിയുന്നത് .പ്രായപൂർത്തിയാകാത്ത പെൺകുട്ടിയെ രാത്രിയിൽ കാണാൻ പോകുകയാണെന്ന് പറഞ്ഞപ്പോൾ നിരുൽസാഹപ്പെടുത്തിയതാണ് അക്രമണത്തിന് കാരണം.

ശനിയാഴ്ച രാത്രി 12 മണിയോടെയാണ് സംഭവം. വീട്ടിൽ അതിക്രമിച്ച് കയറിയ സുബിൻ കട്ടിലിൽ കിടന്നുറങ്ങിയ സുനിലിനെ ആക്രമിക്കുകയുമായിരുന്നു. സുനിലിന്റെ മൂക്കിനും തലക്കും സാരമായി പരിക്കേറ്റിട്ടുണ്ട്.