കെഫാഖ് തിരുവോണരാവ് 2024 ആഘോഷിച്ചു

ഖത്തർ : കൊട്ടാരക്കര അസോസിയേഷൻ, കെഫാഖ് തിരുവോണരാവ് 2024 ആഘോഷിച്ചു. കെഫാഖ് പ്രസിഡന്റ് ബിജു കെ ഫിലിപ്പിന്റെ അധ്യക്ഷതയിൽ പ്രശസ്ത സിനിമ നടൻ ഹരി പ്രശാന്ത് വർമ്മ പരിപാടികൾ ഉത്‌ഘാടനം ചെയ്തു. ജനറൽ സെക്രട്ടറി ബിനേഷ് ബാബു സ്വാഗത പ്രസംഗം നടത്തി.

കേരളത്തിന്റെ ഹൃദയം തകർത്ത വയനാട് ദുരന്തത്തിൽ ആദരസൂചകമായി ഒരു മിനിറ്റ് മൗന പ്രാർത്ഥനയോട് കുടിയാണ് പരിപാടികൾ ആരംഭിച്ചത്. പരിപാടിയുടെ പ്രധാന ആകർഷണം കെഫാഖ് കൊച്ചു കൂട്ടുകാരുടെ കേരളീയ വേഷങ്ങളിലെ ഫാഷൻ ഷോ ആയിരുന്നു. കൂടാതെ തിരുവാതിര, സംഘഗാനം, നൃത്ത നൃത്യങ്ങൾ, ഗാനമേളയും പരിപാടിയുടെ മാറ്റ് കൂട്ടി.

ഓണം ക്രിക്കറ്റ് ലീഗിലെ വിജയികളെയും , എസ് എസ് എൽ സി , പ്ലസ് ടു പരീക്ഷകളിൽ ഉന്നത വിജയംകൈവരിച്ച കെഫാഖ് വിദ്യാർത്ഥികളെയും, ഓണത്തിനോടനുബന്ധിച്ചു നടത്തിയ മത്സരങ്ങളിലെ വിജയികളെയും തിരുവോണരാവിൽ കെഫാഖ് ആദരിച്ചു. വിഭവ സമൃദ്ധമായ സദ്യയോടുകൂടി ഓണം ആഘോഷ പരിപാടികൾ സമാപിച്ചു.

ആഘോഷത്തോടനുബന്ധിച്ചു നടന്ന പരിപാടികൾക്ക് കൺവീനർമാരായ ബിജു പി ജോൺ, ഷാജി കുഞ്ഞച്ചൻ, ആൻസി രാജീവ്, ട്രെഷറർ അനിൽ കുമാർ ആർ , എക്സിക്യൂട്ടീവ് അംഗങ്ങളായ സജി ബേബി, ജോബിൻ പണിക്കർ, ജലു അമ്പാടിയിൽ, അനീഷ് തോമസ്, റിഞ്ചു അലക്സ്, ടിൻസി ജോബി, ബെന്നി ബേബി , ആശിഷ് മാത്യു എന്നിവർ നേതൃത്വം വഹിച്ചു.