ഛത്തീസ്ഗഡിൽ വിദ്യാർഥികൾ സ്കൂളിൽ ബിയര്‍ കുടിച്ച സംഭവം : അന്വേഷണ൦ ആരംഭിച്ചു

റായ്പൂര്‍ : ജൂലൈ 29ന് ഛത്തീസ്ഗഡിലെ ബിലാസ്പൂർ ജില്ലയിലെ സർക്കാർ സ്‌കൂളിൽ വിദ്യാർഥികൾ ബിയർ കുടിക്കുന്ന വീഡിയോ പുറത്ത് വന്നതിന് പിന്നാലെ സംഭവത്തിൽ അന്വേഷിക്കാന്‍ മൂന്നംഗ കമ്മിറ്റിയെ ചുമതലപ്പെടുത്തി .

അതേസമയം വീഡിയോ സാമൂഹിക മാധ്യമത്തില്‍ വൈറലായതോടെ വിദ്യാർഥികൾ ബിയറും ശീതളപാനീയങ്ങളും കുടിക്കുന്നത് വ്യക്തമാണെന്ന് ബിലാസ്പൂര്‍ ജില്ലാ വിദ്യാഭ്യാസ ഓഫീസര്‍ (ഡിഇഒ) ടി ആര്‍ സാഹു അറിയിച്ചു . പിന്നാലെ തമാശയ്ക്കാണ്‌ ബിയർ കുപ്പികൾ വെച്ചതെന്നും ബിയർ കുടിച്ചില്ലെന്നും വിദ്യാർഥികൾ അന്വേഷണ സംഘത്തെ അറിയിച്ചതായും സാഹു കൂട്ടിച്ചേർത്തു .