തിരുവനന്തപുരത്ത് ട്രെയിൻ തട്ടി അപകടം : ഒരാൾ മരിച്ചു

തിരുവനന്തപുരം : തിരുവനന്തപുരത്ത് ഒരാൾ ട്രെയിൻ തട്ടി മരിച്ചു . തൃശൂർ കേരള കാർഷിക സർവകലാശാല ഫോറസ്റ്ററി കോളജ് ഡീൻ ഡോ.ഇ.വി.അനൂപാണ് മരിച്ചത് . വെള്ളാനിക്കരയിലെ ഫോറസ്റ്ററി കോളജ് ഡീനായ ഇദ്ദേഹം ഫോറസ്റ്റ് പ്രൊഡക്ട് ആൻഡ് യൂട്ടിലൈസഷൻ ഡിപ്പാർട്മെന്റിന്റെ മേധാവിയുമാണ്. പേട്ടയിൽ വച്ച് അനൂപിന് ട്രെയിൻ തട്ടിയെന്നാണ് ബന്ധുക്കൾ അറിയിച്ചിരിക്കുന്നത് . ഭാര്യ: രേണുക. മക്കൾ: അഞ്ജന, അർജുൻ.

വെള്ളാനിക്കര ഫോറസ്റ്ററി കോളജിൽനിന്ന് ബിരുദവും ബിരുദാനന്തര ബിരുദവും നേടിയ അനൂപ്, 1994ൽ സർവകലാശാല സർവീസിൽ പ്രവേശിച്ചു. പിന്നീട് 2005ൽ ഡെറാഡൂണിലെ ഫോറസ്റ്റ് റിസർച്ച് ഇൻസ്റ്റിറ്റ്യൂട്ടിൽനിന്നു ഡോക്ടറേറ്റ് കരസ്ഥമാക്കിയിട്ടുണ്ട് . അതേസമയം വുഡ് അനാട്ടമി, ടിംബർ ഐഡന്റിഫിക്കേഷൻ, വുഡ് ക്വാളിറ്റി ഇവാലുവേഷൻ, ഡെൻഡ്രോക്രോണോളജി എന്നീ മേഖലകളിൽ ദേശീയ തലത്തിൽ അറിയപ്പെടുന്ന വ്യക്തിയാണ് ഇദ്ദേഹo .