ഡൽഹിയിൽ മെഡിക്കൽ വിദ്യാർത്ഥി ആത്മഹത്യ ചെയ്‌തു

ന്യൂഡൽഹി : മധ്യഡൽഹിയിൽ മെഡിക്കൽ വിദ്യാർത്ഥി ആത്മഹത്യ ചെയ്തു. മൗലാനാ ആസാദ് മെഡിക്കൽ കോളേജിലെ എംഡി ഒന്നാം വർഷ വിദ്യാർഥിയായ അമിത് കുമാറാണ് ചൊവ്വാഴ്ച വൈകിട്ട് ഹോസ്റ്റൽ മുറിയിൽ തൂങ്ങി മരിച്ച നിലയിൽ കാണപ്പെട്ടത് . യുവാവ് മാനസിക വൈകല്യത്തിന് ചികിത്സയിലായിരുന്നുവെന്നും ആത്മഹത്യാക്കുറിപ്പൊന്നും കണ്ടെത്തിയിട്ടില്ലെന്നും പൊലീസ് അറിയിച്ചു. അമിത്തിന്റെ കുടുംബാംഗങ്ങളെ അറിയിച്ചെന്നും അന്വേഷണം ആരംഭിച്ചെന്നും പൊലീസ് അറിയിച്ചു.