പിക്ക് അപ്പ് വാനും സ്കൂട്ടറും കൂട്ടിയിടിച്ച് അപകടം : ദമ്പതികൾക്ക് ദാരുണാന്ത്യം

കോട്ടയം : പിക്ക് അപ്പ് വാനും സ്കൂട്ടറും കൂട്ടിയിടിച്ച് ഉണ്ടായ അപകടത്തിൽ ദമ്പതികൾക്ക് ദാരുണാന്ത്യം . കോട്ടയം മൂലവട്ടം സ്വദേശികളായ മനോജും ഭാര്യ പ്രസന്നയുമാണ് അപകടത്തിൽ മരിച്ചത്. കോട്ടയം മണിപ്പുഴ സിവിൽ സപ്ലൈസ് കോർപ്പറേഷൻ പമ്പിനു സമീപമായിരുന്നു അപകടം സംഭവിച്ചത് .

പിക്കപ്പ് വാൻ മനോജും പ്രസന്നയും സ ഞ്ചരിച്ച സ്കൂട്ടറിൽ ചെന്ന് ഇടിക്കുകയായിരുന്നു. ഉടൻ ഇവരെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഇരുവരുടേയും മൃതദേഹം കോട്ടയം മെഡിക്കൽ കോളേജിലേക്ക് മാറ്റി.