യുപിയിലും മഹാരാഷ്ട്രയിലും ദുർബലരുടെ പ്രതിരോധം ബിജെപിയെ തോൽപ്പിച്ചു.പൊതുബോധ നിർമിതിയിലെ മാറ്റങ്ങൾ പ്രതിരോധിച്ചാലേ മുന്നേറാനാകൂ – എ വിജയരാഘവൻ

കൊടക്കാട്‌ 
: ദുർബല ജനവിഭാഗങ്ങൾ കരുത്തോടെ ഇടപെട്ടതിനാലാണ്‌ ബിജെപിക്ക്‌ ഒറ്റയ്‌ക്ക്‌ പാർലമെന്റിൽ ഭൂരിപക്ഷം കിട്ടാതിരുന്നതെന്ന്‌ അഖിലേന്ത്യാ കർഷകത്തൊഴിലാളി യൂണിയൻ പ്രസിഡന്റ്‌ എ വിജയരാഘവൻ. അദ്ദേഹം കെഎസ്‌കെടിയു സംസ്ഥാന സമ്മേളനം കൊടക്കാട്‌ കെ കുഞ്ഞിരാമൻ നഗറിൽ ഉദ്‌ഘാടനംചെയ്യുകയായിരുന്നു ഈക്കാര്യം പറഞ്ഞത് .

യുപിയിലും മഹാരാഷ്ട്രയിലും അതീവ ദുർബലരുടെ പ്രതിരോധം ബിജെപിയെ തോൽപ്പിച്ചു. ആ ജനവിഭാഗത്തിന്റെ അഭിമാനാർഹമായ മുന്നേറ്റമാണിത്‌. പുതിയ കാലത്തിന്റെ പ്രശ്‌നം മനസ്സിലാക്കി പ്രവർത്തനശൈലിയും സംഘാടനവും പുനഃക്രമീകരിക്കണം. ഗ്രാമീണതലത്തിൽ പ്രക്ഷോഭം ഉയർത്തിക്കൊണ്ടുവരണം. കേരളത്തിലും ജാതി, മത വർഗീയത ഏറിവരുന്നു. പൊതുബോധ നിർമിതിയിലെ മാറ്റങ്ങളറിഞ്ഞ്‌ പ്രതിരോധിച്ചാലേ മുന്നേറാനാകൂവെന്നും വിജയരാഘവൻ പറഞ്ഞു.