പത്തനംതിട്ട കല്ലുങ്കൽ സ്വദേശിയായ 61കാരൻ സൈക്കിളിൽ നിന്നും വീണു മരിച്ചു

തിരുവല്ല: പത്തനംതിട്ട കല്ലുങ്കൽ സ്വദേശിയായ 61കാരൻ സൈക്കിളിൽ നിന്നും വീണു മരിച്ചു. കല്ലുങ്കൽ പാപ്പിനാട്ടിൽ വീട്ടിൽ കെ.പി. മുരളിയാണ് മരിച്ചത്. വെള്ളിയാഴ്ച ഉച്ചക്ക് 12 മണിയോടെ തുകലശ്ശേരി ശ്രീരാമകൃഷ്ണ ആശ്രമത്തിന് സമീപമായിരുന്നു സംഭവം.

തലക്ക് ഗുരുതര പരിക്കേറ്റ് വഴിയരികിൽ വീണു കിടന്നിരുന്ന മുരളിയെ സമീപവാസികൾ ചേർന്ന് തിരുവല്ല താലൂക്ക് ആശുപത്രിയിൽ എത്തിച്ചു. തുടർന്ന് കോട്ടയം മെഡിക്കൽ കോളജ് ആശുപത്രിയിൽ എത്തിച്ചെങ്കിലും രണ്ടു മണിയോടെ മരിച്ചു.

അസ്വാഭാവിക മരണത്തിന് തിരുവല്ല പൊലീസ് കേസ് രജിസ്റ്റർ ചെയ്തിട്ടുണ്ട്. ഭാര്യ: ശ്യാമള. മക്കൾ: ശ്യാം, ശരത്. മരുമകൾ: നിഖില. സംസ്കാരം പിന്നീട്.