മീൻ പിടിക്കുന്നതിനിടെ കനാലിലേക്ക് വീണ യുവാവ് മരിച്ചു

കോഴിക്കോട്: സരോവരത്തിന് സമീപം മീൻ പിടിക്കുന്നതിനിടെ അബദ്ധത്തിൽ കനാലിലേക്ക് വീണ യുവാവ് മരിച്ചു. കുന്ദമംഗലം സ്വദേശി പ്രവീൺ ആണ് മരിച്ചത്. കോഴിക്കോട് കമ്മീഷണർ ഓഫീസിലെ ജീവനക്കാരനാണ് ഇയാള്‍.

സ്കൂബാ സം​ഘം മണിക്കൂറുകൾ നടത്തിയ പരിശോധനയിലാണ് പ്രവീണിനെ കണ്ടെത്തിയത്.

രാത്രി എട്ട് മണിയോടെയാണ് അപകടം നടന്നത്. രണ്ടു മണിക്കൂറുകൾക്ക് ശേഷമാണ് പ്രവീണിനെ കണ്ടെത്തുന്നത്. കണ്ടു നിന്നവർ ആദ്യം രക്ഷിക്കാൻ ശ്രമിച്ചെങ്കിലും കഴിഞ്ഞില്ല. വെള്ളത്തിന് ചെറിയ രീതിയിൽ‌ ഒഴുക്കുണ്ടായിരുന്നു.

തുടർന്ന് അഗ്നിരക്ഷാസേനയും സ്കൂബാ ടീമും രക്ഷാപ്രവര്‍ത്തനം നടത്തുകയായിരുന്നു. പിന്നാലെ കോഴിക്കോട് മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.