നീ​ലേ​ശ്വ​രത്ത് വീ​ടി​ന്റെ മു​ൻ​വാ​തി​ൽ കു​ത്തി​ത്തു​റ​ന്ന് മോഷണം; ഷെ​ൽ​ഫി​ൽ സൂ​ക്ഷി​ച്ചി​രു​ന്ന പ​ണം ക​വ​ർന്നതായി പരാതി, അ​ന്വേ​ഷ​ണം ആ​രം​ഭി​ച്ച് പൊലീസ്

നീ​ലേ​ശ്വ​രം: നീ​ലേ​ശ്വ​രത്ത് വീ​ണ്ടും മോഷണ പരമ്പര. നീ​ലേ​ശ്വ​രം പ​ടി​ഞ്ഞാ​റ്റം​കൊ​ഴു​വ​ൽ സ്വ​ദേ​ശി ടി.​വി. രാ​ഗേ​ഷ് കു​മാ​റി​ന്റെ മ​ടി​ക്കൈ കൂ​ലോം​റോ​ഡി​ലെ ഇരു​നി​ല​​വീ​ട്ടിലാണ് ക​വ​ർ​ച്ച ന​ട​ന്ന​ത്. വീ​ടി​ന്റെ മു​ൻ​വാ​തി​ൽ കു​ത്തി​ത്തു​റ​ന്ന് അ​ക​ത്തു​ക​ട​ന്ന് ഷെ​ൽ​ഫി​ൽ സൂ​ക്ഷി​ച്ചി​രു​ന്ന പ​ണം ക​വ​ർന്നു. സിസിടിവി കാ​മ​റ ത​ല്ലി​ത്ത​ക​ർ​ത്ത് ഡി.​വി.​ആ​ർ എ​ടു​ത്തു​കൊ​ണ്ടു​പോ​യി.

എ​റ​ണാ​കു​ളം നേ​വ​ൽ ബേ​സി​ൽ ജോ​ലി​ചെ​യ്യു​ന്ന രാ​ഗേ​ഷ് കു​ടും​ബ​സ​മേ​തം അ​വി​ടെ​യാ​ണ് താ​മ​സം. ഭാ​ര്യ​യു​ടെ മാ​താ​പി​താ​ക്ക​ൾ കൂ​ലോം​റോ​ഡി​ലെ വീ​ട്ടി​ൽ രാ​പ്പ​ക​ൽ ഉ​ണ്ടാ​കാ​റു​ണ്ട്. പ​നി​യാ​യ​തി​നാ​ൽ ക​ഴി​ഞ്ഞ ഒ​രാ​ഴ്ച​യാ​യി ഇ​വ​ർ ഇ​ങ്ങോ​ട്ടേ​ക്ക് വ​രാ​റി​ല്ല. നീ​ലേ​ശ്വ​രം എ​സ്.​ഐ വി​ഷ്ണു​പ്ര​സാ​ദി​ന്റെ നേ​തൃ​ത്വ​ത്തി​ൽ സം​ഘം സ്ഥ​ല​ത്തെ​ത്തി വീ​ട് പ​രി​ശോ​ധി​ച്ചു. രാ​ഗേ​ഷി​ന്റെ ഭാ​ര്യാ​പി​താ​വ് ന​ൽ​കി​യ പ​രാ​തി​യി​ൽ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ചു.

മൂ​ന്നു മാ​സ​ത്തി​നു​ള്ളി​ൽ നീ​ലേ​ശ്വ​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ അ​ഞ്ചോ​ളം വീ​ട് കേ​ന്ദ്രീ​ക​രി​ച്ച് ക​വ​ർ​ച്ച ന​ട​ന്നി​രു​ന്നു. ഇ​തി​ൽ പ​ള്ളി​ക്ക​ര, ചി​റ​പ്പു​റം വീ​ടു​ക​ളി​ൽ ന​ട​ന്ന ക​വ​ർ​ച്ച​യി​ലെ പ്ര​തി​ക​ളെ പൊ​ലീ​സ് പി​ടി​കൂ​ടി​യി​രു​ന്നു. കൂ​ലോം റോ​ഡ്, ത​ട്ടാ​ച്ചേ​രി, നീ​ലേ​ശ്വ​രം രാ​ജാ​സ് ഹ​യ​ർ സെ​ക്ക​ൻ​ഡ​റി സ്കൂ​ൾ ക​വ​ർ​ച്ച ന​ട​ത്തി​യ പ്ര​തി​ക​ളെ പി​ടി​കൂ​ടാ​ൻ പൊ​ലീ​സി​ന് ക​ഴി​ഞ്ഞി​ട്ടി​ല്ല.