കോട്ടയത്ത് കാറും ഓട്ടോയും കൂട്ടിയിടിച്ച് ഓട്ടോ ഡ്രൈവർക്ക് ദാരുണാന്ത്യം

കോട്ടയം: കോട്ടയത്ത് വാഹനാപകടത്തിൽ ഒരു മരണം. കാറും ഓട്ടോയും കൂട്ടിയിടിച്ച് ഓട്ടോ ഡ്രൈവർ മരിച്ചു. ഏലപ്പാറ സ്വദേശി ജയദാസാണ് മരിച്ചത്. കാണക്കാരി അമ്പലക്കവലയിൽ വെച്ചായിരുന്നു അപകടം ഉണ്ടായത്. ഏറ്റുമാനൂർ ഭാഗത്തേക്ക് പോവുകയായിരുന്ന ഓട്ടോയും വൈക്കം ഭാഗത്തേക്ക് പോവുകയായിരുന്ന കാറുമാണ് കൂട്ടിയിടിച്ചത്.

അതേസമയം, പാലക്കാട്-കോഴിക്കോട് ദേശീയപാതയിൽ നിർത്തിയിട്ട ഓട്ടോറിക്ഷ നിയന്ത്രണം വിട്ട് പിന്നിലേക്ക് പോയി ലോറിയിലിടിച്ചു. മണ്ണാർക്കാട് വട്ടമ്പലത്ത് സ്വകാര്യ ഹോട്ടലിന്റെ മുൻവശത്തായിരുന്നു അപകടം. അപകടത്തില്‍ ആർക്കും പരിക്കില്ല.