കാറിന്റെ ബ്രേക്ക് നഷ്ടപ്പെട്ടതിനെ തുടർന്ന് ഉണ്ടായ അപകടത്തിൽ ഒരാൾക്കു പരുക്കേറ്റു

തീക്കോയി : കാറിന്റെ ബ്രേക്ക് നഷ്ടപ്പെട്ടത്തിനെ തുടർന്ന് ഉണ്ടായ അപകടത്തിൽ ഒരാൾക്ക് പരിക്കേറ്റു .ഇല്ലിക്കൽക്കല്ല് സന്ദർശിച്ചു മടങ്ങിയ സംഘം സഞ്ചരിച്ച കാറിന്റെ ബ്രേക്ക് നഷ്ടപ്പെട്ടത്തിനെ തുടർന്ന് മതിലിൽ മറിഞ്ഞ് വീണാണ് ഒരാൾക്ക് പരിക്കേറ്റത് .തിരുവനന്തപുരം പണ്ടാരവളവ് സ്വദേശി എബി (24) യുടെ കൈയ്ക്കാണു പരുക്കേറ്റത്. പരുക്കേറ്റ എബിയെ ഈരാറ്റുപേട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുവാണ് .മേലടുക്കത്തിനു സമീപതായി ഇന്നലെ ഒന്നരയോടെയാണ് അപക‌ടം ഉണ്ടായത് .തിരുവനന്തപുരം സ്വദേശികളായ 5 യുവാക്കളായിരുന്നു കാറിൽ ഉണ്ടായിരുന്നത് . കാർ ഇറക്കമിറങ്ങി വന്ന സമയത്ത് ബ്രേക്ക് നഷ്ടമായപ്പോൾ റോഡരികിലുള്ള ചോനമലയിൽ രാജേഷിന്റെ വീട്ടുമുറ്റത്തേക്കു ഓടിച്ചുകയറ്റുകയായിരുന്നു.

അപകടത്തിൽ കാർ മുറ്റത്തെ ചെടിച്ചട്ടികളും മതിലും തകർത്ത് വീണ്ടും താഴേക്കുമറിഞ്ഞു. ശേഷം 15 അടി താഴേക്കാണു കാർ വീണത്. വീടിന്റെ താഴെ പുരയിടത്തിന്റെ സംരക്ഷണഭിത്തിയിലേക്കാണു കാർ പതിച്ചത്.കാർ ഒന്നുകൂടി മറിഞ്ഞിരുന്നെങ്കിൽ റോഡിലേക്കു വീഴുമായിരുന്നു.എന്നാൽ റോഡിൽനിന്ന് 10 അടി ഉയരത്തിൽ മതിലിലാണു കാർ തട്ടിനിന്നത് . ശേഷം ആ സമയത്ത് മുറ്റത്ത് ആരും ഇല്ലാതിരുന്നതിനാൽ അപകടം ഒഴിവായി.