കോട്ടയത്ത് ഡ്യൂട്ടി കഴിഞ്ഞ് വീട്ടിലേക്ക് മടങ്ങിയ എസ്.ഐ.യെ കാണാനില്ലെന്ന് പരാതി

കോട്ടയം: കോട്ടയത്ത് ഡ്യൂട്ടി കഴിഞ്ഞ് വീട്ടിലേക്ക് മടങ്ങിയ എസ്.ഐ.യെ കാണാനില്ലെന്ന് പരാതി. അയര്‍ക്കുന്നം നീറിക്കാട് സ്വദേശിയായ പോലീസ് ഉദ്യോഗസ്ഥനെ കാണാനില്ലെന്നാണ് പരാതി. കോട്ടയം വെസ്റ്റ് സ്‌റ്റേഷനിലെ ഗ്രേഡ് എസ്.ഐ. കെ.രാജേഷിനെയാണ് കാണാതായത്. സംഭവത്തില്‍ അയര്‍ക്കുന്നം പോലീസ് അന്വേഷണം ആരംഭിച്ചിട്ടുണ്ട് .

രാത്രിഡ്യൂട്ടിക്ക് ശേഷം ജൂണ്‍ 14-ന് രാജേഷ് വീട്ടിലേക്ക് മടങ്ങിയിരുന്നു. എന്നാല്‍, ഇതിനുപിന്നാലെ എസ്.ഐ.യെ കാണാതായെന്നാണ് കുടുംബo പരാതിപ്പെട്ടിരിക്കുന്നത് . ജോലിസംബന്ധമായി മാനസികസമ്മര്‍ദം നേരിട്ടിരുന്നതായും കുടുംബം പറയുന്നുണ്ട്.