ഫു​ജൈ​റ ക​ട​ൽ​തീ​ര​ങ്ങ​ളി​ലെ നി​യ​മ​ലം​ഘ​ന​ങ്ങ​ൾ പ​വി​ഴ​പ്പു​റ്റു​ക​ൾ​ക്ക്​ ഭീ​ഷ​ണി

അ​പൂ​ർ​വ ക​ട​ൽ ജീ​വി​ക​ളു​ടെ​യും പ​വി​ഴ​പ്പു​റ്റു​ക​ളു​ടെ​യും ആ​വാ​സ​വ്യ​വ​സ്ഥ​ക​ൾ​ക്ക്​ ഭീ​ഷ​ണി​യാ​കു​ന്ന നി​ര​വ​ധി നി​യ​മ​ലം​ഘ​ന​ങ്ങ​ൾ ഫു​ജൈ​റ ക​ട​ൽ​തീ​ര​ങ്ങ​ളി​ൽ ക​ണ്ടെ​ത്തി​യ​താ​യി പ​രി​സ്ഥി​തി അ​തോ​റി​റ്റി അ​റി​യി​ച്ചു. ഉ​പ​യോ​ഗ​ശൂ​ന്യ​മാ​യ മ​ത്സ്യ​ബ​ന്ധ​ന വ​ല​ക​ൾ ക​ട​ൽ​തീ​ര​ങ്ങ​ളി​ൽ ഉ​പേ​ക്ഷി​ക്കു​ന്ന​ത്​ പ​വി​ഴ​പ്പു​റ്റു​ക​ൾ, മ​ത്സ്യ​ങ്ങ​ൾ, അ​പൂ​ർ​വ​യി​നം ആ​മ​ക​ൾ എ​ന്നി​വ​യു​ടെ ആ​വാ​സ​വ്യ​സ്ഥ​ക്കും വം​ശ​നാ​ശ​ത്തി​നും ഭീ​ഷ​ണി​യു​യ​ർ​ത്തു​ക​യാ​ണ്. സം​ര​ക്ഷി​ത മേ​ഖ​ല​ക​ളി​ൽ നി​യ​മ​വി​രു​ദ്ധ​മാ​യി ഡൈ​വി​ങ്​ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​താ​യും പ​രി​സ്ഥി​തി അ​തോ​റി​റ്റി​യു​ടെ പ​രി​ശോ​ധ​ന​യി​ൽ ​ക​ണ്ടെ​ത്തി.

അം​ഗീ​കൃ​ത പ​രി​സ്ഥി​തി സം​ര​ക്ഷ​ണ മാ​ന​ദ​ണ്ഡ​ങ്ങ​ളു​ടെ ന​ഗ്​​ന​മാ​യ ലം​ഘ​ന​മാ​ണ്​ ഇ​ത്ത​രം പ്ര​വ​ർ​ത്ത​ന​ങ്ങ​ളെ​ന്നും പ​രി​സ്ഥി​തി അ​തോ​റി​റ്റി അ​റി​യി​ച്ചു. പ​വി​ഴ​പ്പു​റ്റു​ക​ൾ സ​മ്പു​ഷ്ട​മാ​യ മേ​ഖ​ല​ക​ളി​ൽ മ​ത്സ്യ​ത്തൊ​ഴി​ലാ​ളി​ക​ൾ ഉ​പ​യോ​ഗി​ച്ച പ​ര​മ്പ​രാ​ഗ​ത ന​ങ്കൂ​ര​ങ്ങ​ൾ ഉ​പേ​ക്ഷി​ക്കു​ന്ന​ത്​ എ​മി​റേ​റ്റി​ന്‍റെ തീ​ര​ങ്ങ​ളി​ലെ പ​വി​ഴ​പ്പു​റ്റു​ക​ൾ​ക്ക്​ പ​രി​ക്കേ​ൽ​പി​ക്കു​ക​യോ ഇ​ല്ലാ​താ​ക്കു​ക​യോ ചെ​യ്യും. ന​ങ്കൂ​ര​ങ്ങ​ൾ നേ​രി​ട്ട് ഇ​ടു​ന്ന​തി​ലൂ​ടെ ഉ​ണ്ടാ​കു​ന്ന കേ​ടു​പാ​ടു​ക​ളി​ൽ​നി​ന്ന് ക​ട​ൽ​ത്തീ​ര​ങ്ങ​ളെ സം​ര​ക്ഷി​ക്കു​ന്ന സു​ര​ക്ഷി​ത​മാ​യ ഒ​രു ബ​ദ​ലാ​യ മൂ​റി​ങ്​ ബോ​യ്‌​ക​ളു​ടെ ല​ഭ്യ​ത ഉ​ണ്ടാ​യി​രു​ന്നി​ട്ടും നി​യ​മ​ലം​ഘ​നം ന​ട​ന്ന​താ​യി അ​തോ​റി​റ്റി വ്യ​ക്ത​മാ​ക്കി.