ദുബൈ ഉപഭരണാധികാരി ശൈഖ് മക്തൂമിന് പെൺകുഞ്ഞ് പിറന്നു

ദുബൈ ഉപഭരണാധികാരിയും ഉപപ്രധാനമന്ത്രിയും ധനകാര്യ മന്ത്രിയുമായ ശൈഖ് മക്തൂം ബിൻ മുഹമ്മദ് ബിൻ റാശിദ് അൽ മക്തൂമിന് പെൺകുഞ്ഞ് ജനിച്ചു. സഹോദരനും ദുബൈ കിരീടാവകാശിയുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് അൽ മക്തൂമാണ് തന്റെ ഇൻസ്റ്റ​ഗ്രാം പേജിലൂടെ ഇക്കാര്യം പങ്കുവെച്ചത്. മറിയം എന്നാണ് കുട്ടിക്ക് പേര് നൽകിയിരിക്കുന്നത്. ശെഖ് ഹംദാൻ തന്നെയാണ് കുഞ്ഞിന്റെ പേരും വെളിപ്പെടുത്തിയത്.

ശൈഖ് മക്തൂമിന്റെ നാലാമത്തെ പെൺകുഞ്ഞാണ് മറിയം. `ആശംസകൾ, മറിയം ബിൻത് മക്തൂം ബിൻ മുഹമ്മദ് ബിൻ റാശിദ് അൽ മക്തൂം’ എന്നതാണ് ശൈഖ് ഹംദാൻ ഇൻസ്റ്റ​ഗ്രാം സ്റ്റോറിയിലൂടെ പങ്കുവെച്ചിരിക്കുന്നത്.