സൗദിയിൽ ലഹരി വ്യാപാരത്തിനു നേതൃത്വം നൽകിയിരുന്ന സംഘം പിടിയിൽ.

സൗദിയിൽ ലഹരി വ്യാപാരത്തിനു നേതൃത്വം നൽകിയിരുന്ന സംഘം പൊലീസ് പിടിയിൽ. 28 സൗദി സ്വദേശികൾ ഉൾപ്പെടെ 37 പേരാണ് പിടിയിലായത്. ഇവരിൽ നിന്ന് ആംഫെറ്റമിൻ, മെത്താഫെറ്റമിൻ ഉൾപ്പടെയുള്ള ലഹരി വസ്തുക്കൾ പിടിച്ചെടുത്തു.സിറിയ, യെമൻ, ഇത്യോപ്യൻ പൗരന്മാരാണ് പിടിയിലായ മറ്റുള്ളവർ.

ഇവരിൽ പലരും സൗദിയിലേക്ക് അനധികൃതമായി കുടിയേറിയവരാണ്. പിടിയിലായവരെ പബ്ലിക് പ്രോസിക്യൂഷനു കൈമാറി. രാജ്യത്തെയും യുവതലമുറയെയും നശിപ്പിക്കാനുള്ള നീക്കമാണ് ലഹരി സംഘം നടത്തുന്നതെന്നും, ഒരു തരത്തിലും അനുവദിക്കില്ലെന്നും ആഭ്യന്തര മന്ത്രാലയം പറഞ്ഞു.