കുവൈത്തിൽ സ്മാർട്ട് വാട്ടർ മീറ്ററുകൾക്കായി പുതിയ ടെൻഡർ പ്രഖ്യാപിച്ചു

കുവൈത്തിൽ സ്മാർട്ട് വാട്ടർ മീറ്ററുകൾക്കായി പുതിയ ടെൻഡർ പ്രഖ്യാപിച്ചു. രാജ്യത്തെ വിവിധ ഗവർണറേറ്റുകളിലുള്ള മെക്കാനിക്കൽ മീറ്ററുകൾ സ്മാർട്ടിലേക്ക് മാറ്റുന്നതിന്‍റെ ഭാഗമായാണ് പൊതുമരാമത്ത് ടെൻഡർ പ്രസിദ്ധീകരിച്ചത്. ടെൻഡർ ലഭിക്കുന്ന കമ്പനി സോഫ്റ്റ്‌വെയർ, നെറ്റ്‌വർക്ക്, ഡ്രെയ്നേജ് അടക്കമുള്ള അനുബന്ധ സംവിധാനങ്ങളും ഒരുക്കും.

ജല ഉപയോഗം നിയന്ത്രിക്കാനും പൊതുചെലവ് കുറക്കാനും സ്മാർട്ട് മീറ്ററുകൾ സഹായകരമാകുമെന്നാണ് പ്രതീക്ഷ. ഉയർന്ന കൃത്യതയും സുരക്ഷയും അടയാളപ്പെടുത്താനുള്ള കഴിവാണ് പുതിയ സ്മാർട്ട് വാട്ടർ മീറ്ററുകളുടെ പ്രത്യേകത.