കൊച്ചി: ഹെർബലൈഫ് ഇന്ത്യ ഫോർമുല 1 ന്യൂട്രിഷണൽ ഷേക്ക് ശ്രേണിയിൽ പുതിയ ‘ഡേറ്റ്സ് കാരമൽ’ ഫ്ലേവർ അവതരിപ്പിച്ചു. ഈന്തപ്പഴത്തിന്റെയും കാരമലിന്റെയും രുചിയിലുള്ള പുതിയ ഫ്ലേവർ നിലവിലുള്ള വാനില, ഡച്ച് ചോക്ലേറ്റ്, മാങ്ങ, കുൽഫി, റോസ് ഖീർ എന്നീ ഫ്ലേവറുകൾക്കൊപ്പമാണ് വിപണിയിലെത്തിയിരിക്കുന്നത്.
ഓരോ സർവിംഗിലും 9 ഗ്രാം പ്രോട്ടീൻ, 3 ഗ്രാം ഫൈബർ, 19 വിറ്റാമിനുകളും ധാതുക്കളും അടങ്ങിയിട്ടുണ്ടെന്ന് കമ്പനി അറിയിച്ചു. ഉപഭോക്താക്കളുടെ മാറുന്ന ഭക്ഷണശീലങ്ങളും രുചി വൈവിധ്യവും പരിഗണിച്ചാണ് പുതിയ ഫ്ലേവർ അവതരിപ്പിച്ചതെന്ന് ഹെർബലൈഫ് ഇന്ത്യ മാനേജിങ് ഡയറക്ടർ അജയ് ഖന്ന പറഞ്ഞു.