സർക്കാരിനെ പഴി കേൾപ്പിക്കരുത് ; മന്ത്രിമാർ മാന്യമായി പെരുമാറണമെന്ന് എംകെ സ്റ്റാലിൻ

ചെന്നൈ : സർക്കാരിനെ പ്രതിരോധത്തിലാക്കുന്ന പരാമർശങ്ങൾ മന്ത്രിമാർ നടത്തരുതെന്ന് തമിഴ്നാട് മുഖ്യമന്ത്രി എം കെ സ്റ്റാലിൻ. സ്ത്രീകളെയും ഹിന്ദു ദൈവങ്ങളെയും അപമാനിച്ച പരാമർശത്തിൽ മന്ത്രി കെ. പൊന്മുടിക്ക് എതിരായ ഹൈക്കോടതി വിധിക്ക് പിന്നാലെയാണ് സർക്കാറിന്റെ നിർദേശം.

മന്ത്രിമാർ മാന്യമായി പെരുമാറണം.മന്ത്രിമാരുടെ പ്രവർത്തികൾ സർക്കാരിനെ പ്രതിരോധത്തിലാക്കുന്നുവെന്നും സ്റ്റാലിന്റെ വിമർശനം. ഇന്നലെ രാത്രി ചേർന്ന മന്ത്രിസഭായോഗത്തിലാണ് മന്ത്രിമാർക്ക് നിർദേശം നൽകിയിരിക്കുന്നത്.