യുവതിയെ വീട്ടിൽ കയറി മർദിച്ച് അയൽവാസികൾ

കോട്ടയം ; കോട്ടയം വൈക്കത്ത് പട്ടികുരച്ചെന്ന് ആരോപിച്ച് യുവതിയെ മർദ്ദിച്ചു.വൈക്കം സ്വദേശിനിയായ പ്രജിത ജോഷിയെയാണ് വീട്ടിൽ കയറി മർദ്ദിച്ചത്.

അയൽവാസിയായ അച്ഛനും മകനും ചേർന്ന് ആക്രമിച്ചെന്നാണ് യുവതി നൽകിയ പരാതിയിൽ പറയുന്നു. ഇരുവരും മദ്യപിച്ചെത്തിയാണ് മർദിച്ചെന്നാണ് വിവരം.

യുവതി നൽകിയ പരാതിയുടെ അടിസ്ഥാനത്തിൽ വൈക്കം പൊലീസ് കേസെടുത്ത് അന്വേഷണം ആരംഭിച്ചു. മർദനത്തിൽ പ്രജിതയുടെ തലയ്ക്കും കണ്ണിനും പരിക്കേറ്റു. യുവതി നിലവിൽ ആശുപത്രിയിൽ ചികിത്സയിലാണ്.