പ്രതികളെ കണ്ടെത്താൻ റെ‍ഡ് കോർണർ നോട്ടീസ് പുറത്തിറക്കി ക്രൈംബ്രാഞ്ച്

തിരുവനന്തപുരം: ലഹരിക്കേസിൽ രാജ്യം വിട്ട മാലിക്കാരെ കണ്ടെത്താൻ റെഡ് കോര്‍ണര്‍ നോട്ടീസിനൊപ്പം ലുക്ക്ഔട്ട് നോട്ടീസും പുറത്തിറക്കി. കോടികൾ വിലവരുന്ന ലഹരിയുമായി പിടിയിലായ മാലി സ്വദേശികളായ ഐമാൻ അഹമ്മദ്, ഷെമീസ് മാഹിൻ, ഇബ്രാഹിം ഫൗസാൻ എന്നിവരാണ് ജാമ്യത്തിലിറങ്ങി രാജ്യം വിട്ടത്. രാജ്യത്തിന് പുറത്ത് പോകരുതെന്ന നിർദ്ദേശം നിലനിൽക്കെയാണ് പ്രതികൾ പോലീസി​ന്റെ സഹായത്തോടെ രക്ഷപ്പെട്ടത്.

പൊലീസ് സഹായത്തോടെ പ്രതികള്‍ രക്ഷപ്പെട്ട സംഭവം നേരത്തെ വാർത്തയായിരുന്നു. 16.5 കിലോ ഹാഷിഷ് ഓയിലുമായാണ് പ്രതികളെ പിടികൂടിയത്. വിദേശികളെ കണ്ടെത്തുന്നതിനായി റെഡ് കോര്‍ണര്‍ നോട്ടീസും അതോടൊപ്പം ലുക്ക്ഔട്ട് നോട്ടീസും പുറത്തിറക്കിയിട്ടുണ്ട്. ക്രൈംബ്രാഞ്ചാണ് ലുക്ക്ഔട്ട് നോട്ടീസ് പുറത്തിറക്കിയത്. 2018ലെ കേസിലാണ് വര്‍ഷങ്ങള്‍ക്കുശേഷം പ്രതികളെ പിടികൂടാൻ റെഡ് കോര്‍ണര്‍ നോട്ടീസ് ഇറക്കിയത്.