ടൂറിസ്റ്റ് ബസ് ഇടിച്ച് ബൈക്ക് യാത്രക്കാരനായ യുവാവിന് ദാരുണാന്ത്യം

ആലപ്പുഴ: ടൂറിസ്റ്റ് ബസ് ബൈക്കിൽ ഇടിച്ച് ബൈക്ക് യാത്രക്കാരനായ യുവാവ് മരിച്ചു. അരൂക്കുറ്റി പഞ്ചായത്ത് കൊട്ടാരത്തിൽ പരേതനായ നകുലൻ്റെ മകൻ കെ.എൻ. രാഹുൽ (24) ആണ് മരിച്ചത്. ചേർത്തല-അരൂക്കുറ്റി റോഡിൽ കണ്ണാട്ട് കലുങ്കിന് തെക്കുഭാഗത്ത് വ്യാഴാഴ്ച വെളുപ്പിന് മൂന്നിനാണ് അപകടം നടന്നത്.

അപകടത്തിൽപ്പെട്ട രാഹുലിനെ പൂച്ചാക്കൽ പോലീസ് തുറവൂർ താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.