കുവൈത്തിൽ മെഡിക്കൽ, ഭക്ഷ്യസുരക്ഷ പദ്ധതികൾ അവലോകനം ചെയ്ത് മന്ത്രിസഭ

10 hours ago

കുവൈത്തിൽ മെഡിക്കൽ, ഭക്ഷ്യസുരക്ഷ പദ്ധതികൾ അവലോകനം ചെയ്ത് മന്ത്രിസഭ

കുവൈത്തിൽ മെഡിക്കൽ, ഭക്ഷ്യസുരക്ഷ സേവനങ്ങൾ വിലയിരുത്തി മന്ത്രിസഭ. പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹമ്മദ് അസ്സബാഹിന്റെ അധ്യക്ഷതയിൽ ചേർന്ന യോഗത്തിൽ മെഡിക്കൽ, ഭക്ഷ്യസുരക്ഷ എന്നിവയുടെ നില മന്ത്രിമാർ വിശദീകരിച്ചു.

ആശുപത്രികൾക്കും ആരോഗ്യ കേന്ദ്രങ്ങൾക്കും ആവശ്യമായ എല്ലാ മരുന്നുകളും മെഡിക്കൽ സാമഗ്രികളും നിലവിലുണ്ടെന്ന് ആരോഗ്യമന്ത്രി ഡോ. അഹമ്മദ് അൽ അവാദി പറഞ്ഞു.ഭക്ഷണവും വെള്ളവും ഉൾപ്പെടെ എല്ലാം സമൃദ്ധമായി ലഭ്യമാണെന്ന് ഉറപ്പാക്കുന്നതിനുള്ള മാർഗങ്ങൾ വാണിജ്യ വ്യവസായ മന്ത്രി ഖലീഫ അൽ അജീൽ വിശദീകരിച്ചു. ഭക്ഷ്യസുരക്ഷ സ്റ്റോക്ക്, തന്ത്രപ്രധാനമായ ഉൽപന്നങ്ങളുടെ ലഭ്യത, വിപണിയിലെ ചാഞ്ചാട്ടം എന്നിവ നിരീക്ഷിക്കുന്നുണ്ടെന്നും അദ്ദേഹം പറഞ്ഞു.