കൊച്ചി : ആമസോൺ ഇന്ത്യ രാജ്യത്തുടനീളമുള്ള ‘ആമസോൺ നൗ’ സേവന പ്രവർത്തനങ്ങൾ ശക്തിപ്പെടുത്തുന്നതിനായി ഏകദേശം 1,000 ഐഷർ ഇലക്ട്രിക് ട്രക്കുകൾ വിന്യസിക്കാൻ പദ്ധതിയിട്ടതായി പ്രഖ്യാപിച്ചു. നഗരത്തിനുള്ളിലെ വേഗമേറിയ ചരക്ക് ഗതാഗത ആവശ്യങ്ങൾ നിറവേറ്റുന്നതിനായി പ്രത്യേകമായി വികസിപ്പിച്ച ഐഷർ പ്രോ-എക്സ് ഇലക്ട്രിക് ട്രക്കുകളായിരിക്കും ഉപയോഗിക്കുക.
ആമസോൺ ഇതിനകം 50 ട്രക്കുകൾ വിന്യസിച്ചിട്ടുണ്ടെന്നും 2028 ഓടെ ഈ എണ്ണം 1,000 ആയി ഉയർത്താനാണ് ലക്ഷ്യമിടുന്നതെന്നും കമ്പനി അറിയിച്ചു. ഡൽഹി-എൻസിആർ, ബെംഗളൂരു, മുംബൈ എന്നിവിടങ്ങളിലാണ് ആദ്യഘട്ട വിന്യാസം. 100 നഗരങ്ങളിലേക്കുള്ള ‘ആമസോൺ നൗ’ സേവന വ്യാപനത്തിനും 1,000-ത്തിലധികം മൈക്രോ ഫുൾഫിൽമെന്റ് കേന്ദ്രങ്ങളുടെ വികസനത്തിനും ഈ ഇലക്ട്രിക് വാഹനങ്ങൾ പിന്തുണ നൽകും.