അങ്കമാലിയിൽ വാഹനമിടിച്ച് മരിച്ചയാളെ തിരിച്ചറിഞ്ഞില്ല

അങ്കമാലി: ദേശീയപാതയിലെ ചെറിയവാപ്പാലശ്ശേരിക്ക് സമീപം യുവാവ് അജ്ഞാത വാഹനമിടിച്ച് മരിച്ചു. മരിച്ചയാളെ ഇതുവരെയും തിരിച്ചറിഞ്ഞിട്ടില്ല. ചൊവ്വാഴ്ച രാത്രി 9.50ഓടെ ചെറിയവാപ്പാലശ്ശേരിയിലെ അങ്കമാലി സബ് സ്റ്റേഷന് സമീപത്തായി അജ്ഞാത വാഹനമിടിച്ച് നിലയിലാണ് യുവാവിനെ കാണപ്പെട്ടത് .

അങ്കമാലി അഗ്നി രക്ഷസേന അങ്കമാലി എൽ.എഫ് ആശുപത്രിയിൽ എത്തിച്ചെങ്കിലും മരിച്ചിരുന്നു .മരിച്ചത് ആലപ്പുഴ സ്വദേശിയാണെന്നാണ് സൂചന. മരണസമയത്ത് ചുവന്ന വലിയ കള്ളി ഷർട്ടും മുണ്ടുമാണ് ധരിച്ചിരുന്നത് . മീശയോട് ചേർത്ത വട്ടത്താടിയുണ്ട്. അങ്കമാലി ഭാഗത്തേക്ക് നടന്നു പോകുന്നവഴിക്കാണ് അപകടമുണ്ടായതെന്നാണ് കരുതുന്നത് .

നെടുമ്പാശ്ശേരി പൊലീസ് മൃതദേഹം എറണാകുളം ജനറൽ ആശുപത്രി മോർച്ചറിയിലേക്ക് മാറ്റിയിട്ടുണ്ട് .
മൃതദേഹം തിരിച്ചറിയുന്നവർ നെടുമ്പാശ്ശേരി പൊലീസുമായി ബന്ധപ്പെടണം. ഫോൺ: 0484-2610611.