കാനയിലേക്ക് വാഹനം മറിഞ്ഞുണ്ടായ അപകടത്തിൽ റിട്ട. അധ്യാപിക മരിച്ചു; നടൻ മാത്യുവിന്റെ മാതാപിതാക്കൾക്ക് പരിക്ക്

കൊച്ചി: ദേശീയപാതയിൽ കോലഞ്ചേരി ശാസ്താംമുകളിൽ നിർമാണം നടക്കുന്ന കാനയിലേക്ക് വാഹനം മറിഞ്ഞുണ്ടായ അപകടത്തിൽ റിട്ട. അധ്യാപിക മാമല തുരുത്തിയിൽ ബീന (60) മരിച്ചു . മറ്റ് മൂന്നു പേർക്ക് പരിക്കേറ്റു. പരിക്കേറ്റവർ എറണാകുളം മെഡിക്കൽ ട്രസ്റ്റ് ഹോസ്പിറ്റലിൽ ചികിത്സയിലാണ് .

ബീനയുടെ ഭർത്താവ് സാജു, ബന്ധു ബിജു, ഭാര്യ സൂസൻ എന്നിവർക്കാണ് പരിക്കേറ്റത് . അപകടത്തിൽ പരിക്കേറ്റ ബിജുവും സൂസനും നടൻ മാത്യുവിന്‍റെ മാതാപിതാക്കളാണ്.ബിജുവിന്‍റെ പിതൃസഹോദര പുത്രന്‍റെ ഭാര്യയാണ് മരിച്ച ബീന.

ഇന്ന് പുലർച്ചെ ഒരു മണിയോടെയാണ് അപകടം നടന്നത് . വാഹനമോടിച്ച മാത്യുവിന്‍റ സഹോദരന് പരിക്കുകൾ ഒന്നും തന്നെയില്ല . ഒരു മരണാന്തരചടങ്ങിൽ പങ്കെടുത്ത് തിരിച്ച് മടങ്ങിവരുകയാണ് അപകടം നടന്നത് .