ഇറ്റാലിയൻ കമ്പനിയുടെ 
ഇന്നൊവേഷൻ ഹബ്ബ്‌ ഇനി എറണാകുളത്തും

കൊച്ചി: ഇറ്റാലിയൻ കമ്പനി ‘ഡൈനിമേറ്റഡ്’ എറണാകുളത്ത് ഇന്നൊവേഷൻ ഹബ്ബ് ആരംഭിക്കാൻ പോകുന്നു . ആലങ്ങാട്‌ കൊടുവഴങ്ങ പഴന്തോടിനുസമീപമാണ്‌ ഡൈനിമേറ്റഡിന്റെ ഇന്നൊവേഷൻ ഹബ്ബ് വരാൻ പോകുന്നത് .ടെക്‌നോളജിയും കലയും ഇന്നൊവേഷനും തമ്മിൽ ചേർന്ന് ഒന്നിക്കുന്ന സംരംഭമാണ് കേരളത്തിലേക്ക് പുതുതായി വരാൻ പോകുന്നതെന്ന് ഡൈനിമേറ്റഡ് എന്ന് വ്യവസായമന്ത്രി പി രാജീവ് തന്റെ ഫെയ്‌സ്ബുക്ക് പോസ്റ്റിൽ കുറിച്ചു.

ഹോളോഗ്രഫിക് റിയാലിറ്റി, ഹോളിവുഡ് സിനിമകളുമായി കിടപിടിക്കുന്ന വിഷ്വൽ കമ്യൂണിക്കേഷൻ, ഡിസൈൻ ആൻഡ്‌ അനിമേഷൻ, സ്പേഷ്യൽ ഡിസൈനിങ് തുടങ്ങിയ മേഖലയിൽ മാറ്റം കൊണ്ടുവരാൻ ഡൈനിമേറ്റഡിന്റെ വരവോടെ സാധ്യമാകും എന്നാണ് പ്രതീക്ഷ . കൂടാതെ സിനിമ ഉൾപ്പെടെയുള്ള അതിവേഗം വളരുന്ന നൂതനവ്യവസായ മേഖലകൾക്കെല്ലാം സഹായകമാകും ഈ സംരംഭമെന്നും മന്ത്രി ഫേസ്ബുക്കിൽ കുറിച്ചു. അതോടെപ്പം കമ്പനി സന്ദർശിച്ചതിന്റെ ചിത്രങ്ങളും പങ്കുവച്ചിട്ടുണ്ട് .