‘സലാര്‍’ ഫൈനല്‍ സോംഗ് പുറത്ത്; ചിത്രം നാളെ പ്രേക്ഷകരിലേക്ക്

ഇന്ത്യന്‍ സിനിമയില്‍ത്തന്നെ സമീപകാലത്ത് ഇത്രയധികം കാത്തിരിപ്പ് ഉയര്‍ത്തിയ ഒരു ചിത്രം സലാറിനെപ്പോലെ മറ്റൊന്നില്ല. കെജിഎഫ് സംവിധായകന്‍ പ്രശാന്ത് നീല്‍ ബാഹുബലി താരം പ്രഭാസിനെ നായകനാക്കി ഒരുക്കുന്ന ചിത്രം എന്നതാണ് ഈ വന്‍ പ്രീ റിലീസ് ഹൈപ്പിന് കാരണം.

കെജിഎഫിന് മുന്‍പേ പ്രശാന്ത് നീലിന്റെ മനസിലുണ്ടായിരുന്ന സിനിമയാണ് വര്‍ഷങ്ങള്‍ക്കിപ്പുറം നാളെ തിയറ്ററുകളിലേക്ക് എത്തുന്നത്. പ്രഭാസിനൊപ്പം പ്രാധാന്യമുള്ള ഒരു കഥാപാത്രമായി പൃഥ്വിരാജ് സുകുമാരന്‍ എത്തുന്നു എന്നത് മലയാളികളായ സിനിമാപ്രേമികള്‍ക്ക് ആവേശം പകരുന്ന കാര്യമാണ്. ഇപ്പോഴിതാ റിലീസിന് മണിക്കൂറുകള്‍ മാത്രം ശേഷിക്കെ ചിത്രത്തിലെ ഒരു ഗാനം കൂടി പുറത്തിറക്കിയിരിക്കുകയാണ് അണിയറക്കാര്‍.

തെലുങ്കിന് പുറമെ കന്നഡ, തമിഴ്, മലയാളം, ഹിന്ദി ഭാഷകളിലും ഗാനം എത്തിയിട്ടുണ്ട്. പ്രതികാരമോ എന്നാരംഭിക്കുന്ന മലയാളം ഗാനത്തിന്റെ വരികള്‍ എഴുതിയിരിക്കുന്നത് രവി ബസ്‍രൂര്‍ ആണ്. സംഗീതം രാജീവ് ഗോവിന്ദന്‍. കുട്ടികളുടെ മൂന്ന് സംഘങ്ങളാണ് ഗാനം ആലപിച്ചിരിക്കുന്നത്.