ചായ ചോദിച്ച ഭർത്താവിന്റെ കണ്ണിൽ യുവതി കത്രിക കൊണ്ട് കുത്തി

ഉത്തർപ്രദേശിലെ ബാഗ്പത് ജില്ലയിൽ ഒരു കപ്പ് ചായ ചോദിച്ചതിന് ഭർത്താവിന്റെ കണ്ണിൽ യുവതി കത്രിക കൊണ്ട് കുത്തി. തുടർന്ന് ഭർത്താവിനെ ചോരവാർന്ന നിലയിൽ ഉപേക്ഷിച്ച് പോലീസിനെ വെട്ടിച്ച് യുവതി ഓടി രക്ഷപ്പെട്ടു.

മൂന്ന് വർഷം മുമ്പാണ് അങ്കിത് യുവതിയെ വിവാഹം കഴിച്ചത്. എന്നിരുന്നാലും, കുറച്ച് സമയത്തിന് ശേഷം, ദമ്പതികൾ വീട്ടിലെ പ്രശ്‌നങ്ങളെ ചൊല്ലി പതിവായി വഴക്കുണ്ടാക്കാൻ തുടങ്ങി. സംഭവത്തിന് മൂന്ന് ദിവസം മുമ്പ് അങ്കിതിന്റെ ഭാര്യ അദ്ദേഹത്തിനും കുടുംബത്തിനുമെതിരെ ആക്രമണത്തിന് പരാതി നൽകിയിരുന്നുവെന്ന് പോലീസ് പറഞ്ഞു.

അങ്കിത് ഒരു കപ്പ് ചായ ചോദിച്ചു, ഇത് ഭാര്യയെ പ്രകോപിപ്പിച്ചു, അവർ കത്രിക കൊണ്ട് ഇയാളുടെ കണ്ണിൽ കുത്തുകയായിരുന്നു. ബഹളം കേട്ട് അങ്കിതിന്റെ ഭാര്യാസഹോദരിയും മക്കളും പുറത്തിറങ്ങി പോലീസിൽ വിവരമറിയിച്ചു.

പോലീസ് എത്തുന്നതിന് മുമ്പ്, അങ്കിതിന്റെ ഭാര്യ ഓടി രക്ഷപ്പെട്ടു. പോലീസ് ഇയാളെ കമ്മ്യൂണിറ്റി ഹെൽത്ത് സെന്ററിലേക്ക് കൊണ്ടുപോയി, പിന്നീട് മീററ്റിലേക്ക് റഫർ ചെയ്തു.