കിം ജോങ് ഉന്നിനെ സന്തോഷിപ്പിക്കാൻ 25 കന്യകകളുടെ പ്ലഷർ സ്ക്വാഡ്; പാട്ട്, നൃത്തം, മസാജ്, സെക്സ് -വെളിപ്പെടുത്തൽ

സോൾ: ഉത്തരകൊറിയൻ ഏകാധിപതി കിം ജോങ് ഉന്നിനെ സന്തോഷിപ്പിക്കാൻ ഓരോ വർഷവും 25 കന്യകകളെ തെരഞ്ഞെടുക്കാറുണ്ടെന്ന് വെളിപ്പെടുത്തൽ. ഉത്തരകൊറിയയിൽ നിന്ന് രക്ഷപ്പെട്ട യെയോൻമി പാർക്ക് എന്ന യുവതിയാണ് കിം ജോങ് ഉന്നിനെ കുറിച്ച് ഞെട്ടിപ്പിക്കുന്ന കാര്യങ്ങൾ വെളിപ്പെടുത്തിയത്. മിററാണ് റിപ്പോർട്ട് ചെയ്തത്. കിം ജോങ് ഉൻ തൻ്റെ “പ്ലഷർ സ്ക്വാഡിനായി” ഓരോ വർഷവും 25 കന്യകകളായ പെൺകുട്ടികളെ തെരഞ്ഞെടുക്കാറുണ്ടെന്ന് പാർക്ക് ആരോപിച്ചു. സൗന്ദര്യവും വിശ്വാസ്യതയും രാഷ്ട്രീയവും നോക്കിയാണ് പെൺകുട്ടികളെ തെരഞ്ഞെടുക്കുന്നതെന്നും ഇവർ പറഞ്ഞു. തന്നെയും രണ്ട് തവണ ഓഡിഷന് വിളിച്ചുവെന്നും എന്നാൽ കുടുംബനില കാരണം തെരഞ്ഞെടുക്കപ്പെട്ടില്ലെന്നും യുവതി വെളിപ്പെടുത്തി. എല്ലാ ക്ലാസ് മുറികളും സന്ദർശിക്കുകയും സുന്ദരിയായ പെൺകുട്ടികളെ കണ്ടെത്തിയാൽ അവരുടെ പശ്ചാത്തലം അന്വേഷിക്കുകയും ചെയ്യുമെന്നും പാർക്ക് പറഞ്ഞു. ഉത്തര കൊറിയയിൽ നിന്ന് രക്ഷപ്പെട്ട അല്ലെങ്കിൽ ദക്ഷിണ കൊറിയയിലോ മറ്റ് രാജ്യങ്ങളിലോ ബന്ധുക്കളുള്ള കുടുംബാംഗങ്ങളുള്ള പെൺകുട്ടികളെ ഇല്ലാതാക്കുന്നുണ്ടെന്നും ഇവർ വെളിപ്പെടുത്തി.

പെൺകുട്ടികളെ തിരഞ്ഞെടുത്തുകഴിഞ്ഞാൽ, അവർ കന്യകകളാണെന്ന് ഉറപ്പാക്കാൻ അവരെ വൈദ്യപരിശോധന നടത്തും. പരിശോധനയ്ക്കിടെ, ചെറിയ വൈകല്യം പോലും അയോഗ്യതയാണ്. കടുത്ത പരിശോധനകൾക്ക് ശേഷം മാത്രമേ പെൺകുട്ടികളെ മാത്രമേ പ്യോങ്‌യാങ്ങിലേക്ക് അയക്കൂ.

25 പെൺകുട്ടികളെ മൂന്ന് ​ഗ്രൂപ്പായി തിരിക്കുകയും രണ്ട് ​ഗ്രൂപ്പുകൾക്ക് മസാജ്, പാട്ട്, നൃത്തം എന്നിവയാണ് ചുമതല. മൂന്നാമത്തെ ​ഗ്രൂപ്പിന് കിം
ആവശ്യപ്പെടുന്ന നേതാക്കളുമായും ആളുകളുമായും ലൈംഗികബന്ധത്തിൽ ഏർപ്പെടലുമാണ് ചുമതലയെന്ന് ഇവർ വെളിപ്പെടുത്തി. ഉന്നത ബന്ധമുള്ളവരെ സേവിക്കാൻ ഏറ്റവും ആകർഷകമായ പെൺകുട്ടികളെ തിരഞ്ഞെടുക്കുമ്പോൾ, താഴ്ന്ന റാങ്കിലുള്ള ജനറൽമാരെയും രാഷ്ട്രീയക്കാരെയും തൃപ്തിപ്പെടുത്താൻ മറ്റുള്ളവരെ നിയോഗിക്കും. സ്ക്വാഡിലെ അംഗങ്ങൾ ഇരുപതുകളുടെ മധ്യത്തിൽ എത്തിയാൽ അവരുടെ കാലാവധി അവസാനിക്കുമെന്നും റിപ്പോർട്ടിൽ പറയുന്നു. അവരിൽ ചിലർ പലപ്പോഴും അംഗരക്ഷകരെ വിവാഹം കഴിക്കും.
1970-കളിലെ കിം ജോങ് ഉന്നിൻ്റെ പിതാവ് കിം ജോങ്-ഇന്നിന്റെ കാലഘട്ടത്തിലാണ് ഈ “പ്ലഷർ സ്ക്വാഡിൻ്റെ” ആരംഭമെന്നും പാർക്ക് വിശദീകരിച്ചു.