ഇനി മാർകോ; ഉണ്ണി മുകുന്ദൻ ചിത്രത്തിന്റെ അപ്‍ഡേറ്റ് പുറത്ത്

ഉണ്ണി മുകുന്ദൻ നായകനാകുന്ന പുതിയ ചിത്രമാണ് മാർകോ. ചിത്രത്തിന്റെ പൂജ മെയ്‍ മൂന്നിനായിരിക്കും. സംവിധാനം നിർവഹിക്കുന്നത് ഹനീഫ് അദേനിയാണ്. സംഗീതം രവി ബസ്രുറും നിർവഹിക്കുന്ന ചിത്രം പ്രേക്ഷകർ ആകാംക്ഷയോടെ കാത്തിരിക്കുന്ന ഒന്നാണ്.

ഉണ്ണി മുകുന്ദൻ നായകനായവയിൽ ഒടുവിൽ ചിത്രം പ്രദർശനത്തിന് എത്തിയത് ജയ് ഗണേഷാണ്. കേരള ബോക്സ് ഓഫീസിൽ വൻ കളക്ഷൻ നേടാൻ ജയ് ഗണേഷിന് സാധിച്ചിട്ടില്ല എന്നാണ് റിപ്പോർട്ട്. കുട്ടികളടക്കമുള്ള പ്രേക്ഷകരെ മുന്നിൽക്കണ്ടാണ് ചിത്രം പ്രദർശനത്തിനെത്തിച്ചിരുന്നത്. ത്രില്ലർ സ്വഭാവം നിലനിർത്തുന്ന ഒരു ചിത്രവുമാണ് ജയ് ഗണേഷ്. ഒരു സാമൂഹ്യ സന്ദേശവുമുണ്ട് ചിത്രത്തിൽ. ഇതുവരെ കണ്ടിട്ടില്ലാത്ത ഉണ്ണി മുകുന്ദനാണ് ചിത്രത്തിൽ ഉള്ളത് എന്നുമാണ് ജയ് ഗണേഷ് കണ്ടവരുടെ അഭിപ്രായങ്ങൾ. ഉണ്ണി മുകുന്ദന്റെ മികച്ച പ്രകടനമാണ് ചിത്രത്തിന്റെ ആകർഷണവും.

സംവിധാനം രഞ്‍ജിത് ശങ്കറാണ് നിർവഹിച്ചിരിക്കുന്നത്. മഹിമാ നമ്പ്യാർ ഉണ്ണി മുകുന്ദൻ ചിത്രത്തിൽ നായികയായി വേഷമിട്ടിരിക്കുന്നത്. ഛായാഗ്രാഹണം ചന്ദ്രു ശെൽവരാജ് നിർവഹിക്കുന്നു. തിരക്കഥ എഴുതിയിരിക്കുന്നതും രഞ്‍ജിത് ശങ്കറാണ്.

ജോമോളും ഒരു പ്രധാന കഥാപാത്രമാകുന്ന ചിത്രമായ ജയ് ഗണേഷ് ഉണ്ണി മുകുന്ദനും സംവിധായകൻ രഞ്ജിത് ശങ്കറും ഉണ്ണി മുകുന്ദൻ ഫിലിംസ്, ഡ്രീംസ് എൻ ബിയോണ്ട് എന്നീ ബാനറുകളിൽ നിർമിക്കുന്നു. നടൻ അശോകനും നിർണായകമായ ഒരു കഥാപാത്രമായപ്പോൾ നന്ദു, ശ്രീകാന്ത് കെ വിജയനും ചിത്രത്തിൽ ബെൻസിൽ മാത്യുസും വേഷമിട്ടിരിക്കുന്നു. ഉണ്ണി മുകുന്ദന്റെ ജയ് ഗണേഷിന്റെ സംഗീതം ശങ്കർ ശർമ നിർവഹിക്കുമ്പോൾ ബി കെ ഹരിനാരായണനും മനു മഞ്‍ജിത്തും വാണി മോഹനും വരികൾ എഴുതിയിരിക്കുന്നു. ജയ് ഗണേഷ് ഒരു സൂപ്പർഹീറോ ചിത്രമായിട്ടാണ് സ്വീകരിക്കപ്പെടുന്നത്.