ഗവർണറുടെ കത്തിൽ നടപടി: വിസി തെരഞ്ഞെടുപ്പിന് രജിസ്ട്രാർക്ക് നിർദേശം നൽകി

ഒരു വർഷത്തിലേറെയായി ഗവർണർ-സർക്കാർ പോരിൽ കുടുങ്ങിക്കിടക്കുന്ന കേരള സർവകലാശാലയുടെ വൈസ് ചാൻസലർ ഇല്ലാത്ത ദുരവസ്ഥയ്ക്ക് വിരാമമായേക്കും. വിസിയെ നിയമിക്കുന്നതിനുള്ള സെർച്ച് കമ്മിറ്റിയിലേക്ക് സെനറ്റിന്റെ പ്രതിനിധിയെ നിയമിക്കാൻ ജനുവരിയിൽ സെനറ്റ് യോഗം ചേരും. ഇതിനുള്ള നടപടികൾ ആരംഭിക്കാൻ വിസി ഇൻചാർജ് ഡോ. മോഹനൻ കുന്നുമ്മൽ രജിസ്ട്രാർക്ക് നിർദേശം നൽകി. 10 ദിവസത്തെ നോട്ടീസ് നൽകി അംഗങ്ങൾക്ക് സെനറ്റിനെ വിളിക്കാം. സെനറ്റ് പ്രതിനിധിയെ നൽകണമെന്നാവശ്യപ്പെട്ട് ഗവർണർ അയച്ച കത്തിനെ തുടർന്നാണ് നടപടി. 6 എംഎൽഎമാരും 25 എക്‌സ് ഒഫീഷ്യോ അംഗങ്ങളും അടങ്ങുന്ന 106 അംഗ സെനറ്റിലേക്ക് ഗവർണർ 4 വിദ്യാർത്ഥികളെ നാമനിർദ്ദേശം ചെയ്തത് ഹൈക്കോടതി സ്റ്റേ ചെയ്തു.

അധ്യാപകരുടെയും ഡീൻമാരുടെയും മൂന്ന് വീതം ഒഴിവുകളാണുള്ളത്. സെർച്ച് കമ്മിറ്റി പ്രതിനിധിയെ നിയമിക്കുന്നതിനായി ശേഷിക്കുന്ന അംഗങ്ങളുടെ യോഗം ചേരും. നേരത്തെ നാലുതവണ ഗവർണർ നിർദേശിച്ചെങ്കിലും നടപടിയുണ്ടായില്ല. സെനറ്റ് പ്രതിനിധിയില്ലാതെ ഗവർണർ രൂപീകരിച്ച രണ്ടംഗ സെർച്ച് കമ്മിറ്റി ഹൈക്കോടതി തടഞ്ഞു.യുജിസി ചട്ടപ്രകാരം വിസി നിയമനത്തിനുള്ള സെർച്ച് കമ്മിറ്റിയിൽ യുജിസി പ്രതിനിധി നിർബന്ധം ആയിരിക്കണം. വാഴ്സിറ്റി നിയമപ്രകാരം സെനറ്റ്, ചാൻസലർ, യുജിസി പ്രതിനിധികൾ സെർച്ച് കമ്മിറ്റിയിൽ ഉണ്ടായിരിക്കണം. അംഗങ്ങൾക്ക് മൂന്ന് മുതൽ അഞ്ച് വരെ ആളുകളെ തിരഞ്ഞെടുക്കാം. ഇവരിൽ ഒരാളെ ഗവർണർക്ക് നിയമിക്കാം. തൃപ്തികരമല്ലെങ്കിൽ, പാനൽ തിരികെ അയയ്ക്കുകയും മറ്റൊരു പാനൽ ആവശ്യപ്പെടുകയും ചെയ്യാം. വിസി നിയമനത്തിൽ തീരുമാനം എടുക്കേണ്ടത് ചാൻസലറാണെന്നും ആ തീരുമാനം അന്തിമമാണെന്നുമാണ് കണ്ണൂർ വിസി കേസിൽ സുപ്രീം കോടതി ഉത്തരവ്. സെനറ്റ് പ്രതിനിധികൾക്കായി ഗവർണർ എല്ലാ സർവകലാശാലകൾക്കും കത്തയച്ചിട്ടുണ്ട്.