ഉത്തർപ്രദേശിൽ കെട്ടിടത്തിന്റെ മേൽക്കൂര തകർന്ന് വീണു; ഒരാൾ മരിച്ചു, 25ഓളം പേർ അടിയിൽ കുടുങ്ങി കിടക്കുന്നു, രക്ഷാപ്രവർത്തനം പുരോഗമിക്കുന്നു

ഡൽഹി: ഉത്തർപ്രദേശിലെ മുസാഫർനഗറിൽ കെട്ടിടത്തിൻറെ മേൽക്കൂര തകർന്ന് വീണ് ഒരാൾ മരിച്ചു. മേൽക്കൂര തകർന്ന് വീണ് 25ഓളം പേർ അടിയിൽ കുടുങ്ങി കിടക്കുന്നുവെന്നാണ് വിവരം. സ്ഥലത്ത് ദേശീയ ദുരന്ത നിവാരണ സേനയെടക്കം വിന്യസിച്ച് രക്ഷാപ്രവർത്തനം പുരോഗമിക്കുകയാണ്. കെട്ടിടത്തിനടിയിൽ കുടുങ്ങിയ 11 പേരെ രക്ഷപ്പെടുത്തി.

കൂടുതൽ പേർ കുടുങ്ങി കിടക്കുന്നുണ്ടാകുമെന്നാണ് വിവരം. ഇവരെ രക്ഷപ്പെടുത്താനുള്ള ശ്രമം തുടരുകയാണ്. രക്ഷപ്പെടുത്തിയ 11 പേരെ ആശുപത്രികളിലേക്ക് മാറ്റിയെന്നും 25ഓളം പേർ ഇനിയും കുടുങ്ങി കിടക്കുന്നുണ്ടെന്നാണ് വിവരമെന്നും രക്ഷാപ്രവർത്തനം ഊർജിതമായി നടക്കുന്നുണ്ടെന്നും ഉത്തർപ്രദേശ് കളക്ടർ അരവിന്ദ് മല്ലപ്പ അറിയിച്ചു. മേൽക്കൂര തകരാനുണ്ടായ കാരണം വ്യക്തമല്ല. ഇന്ന് വൈകിട്ടോടെയാണ് അപകടമുണ്ടായത്.