തെരുവുനായ കുറുകെ ചാടി; ഓട്ടോറിക്ഷ അപകടത്തിൽപെട്ട് ഡ്രൈവർക്ക് ദാരുണാന്ത്യം

കണ്ണൂർ: മാഹി ഈസ്റ്റ് പളളൂരിൽ ഓട്ടോറിക്ഷ അപകടത്തിൽപെട്ട് ഡ്രൈവർക്ക് ദാരുണാന്ത്യം. താഴെചൊക്ലിയിലെ ഓട്ടോ ഡ്രൈവറായ  സുധീഷ് കുമാറാണ് മരിച്ചത്.

റോഡിന് കുറുകെ ചാടിയ തെരുവുനായയെ രക്ഷിക്കാൻ ശ്രമിക്കുന്നതിനിടെയാണ് അപകടം. സംഭവത്തിൽ രണ്ട് യാത്രക്കാർക്കും പരിക്കേറ്റു. ഇന്നലെ വൈകിട്ട് ആറേകാലിനാണ് അപകടമുണ്ടായത്.

ഓട്ടോയ്ക്ക് മുന്നിലേക്ക് തെരുവുനായ ചാടുക​യായിരുന്നു. അതിനെ ഇടിക്കാതിരിക്കാൻ വെട്ടിച്ച സമയത്ത് ഓട്ടോ മറിയുകയായിരുന്നു. സുധീഷ്കുമാറിന് ​ഗുരുതരമായി പരിക്കേറ്റിരുന്നു. ഇദ്ദേഹത്തെ ആദ്യം ചൊക്ലിയിലും പിന്നീട് കണ്ണൂരെ സ്വകാര്യ ആശുപത്രിയിലും പ്രവേശിപ്പിച്ചു. എന്നാൽ ജീവൻ രക്ഷിക്കാനായില്ല.