12 വർഷം കഴിഞ്ഞിട്ടും  ലക്ഷ്യം കാണാതെ  സ്മാർട്ട് സിറ്റി 

ഐടി വികസനം ലക്ഷ്യമിട്ട് കൊട്ടിഘോഷിച്ച് നടപ്പാക്കിയ സ്മാർട് സിറ്റി കൊച്ചി എന്ന ആശയം ഇതുവരെ ലക്ഷ്യം കണ്ടിട്ടില്ല. കരാർ ഒപ്പിട്ട് 12 വർഷം കഴിഞ്ഞിട്ടും കേരളത്തിന് വാഗ്ദാനം ചെയ്ത തൊഴിലും അവസരങ്ങളും എത്തിക്കാൻ നടപടികളൊന്നും ഉണ്ടായിട്ടില്ല. 2011ലാണ് കരാർ ഒപ്പിട്ടത്. 2016ലാണ് ആദ്യഘട്ടം യാഥാർത്ഥ്യമായത്. . 2020-ഓടെ പദ്ധതി പൂർത്തിയാകുമെന്നായിരുന്നു അന്നത്തെ പ്രഖ്യാപനം. എന്നിരുന്നാലും, 2023-ൽ, വാഗ്ദാനം ചെയ്ത തൊഴിലവസരങ്ങളുടെ പകുതി പോലും യാഥാർഥ്യമായിട്ടില്ല. 90,000 തൊഴിലവസരങ്ങൾ, 88 ലക്ഷം ചതുരശ്ര അടി കെട്ടിടങ്ങൾ, ആഗോള കമ്പനികളെ കേരളത്തിലേക്ക് കൊണ്ടുവരിക തുടങ്ങിയ പ്രഖ്യാപനങ്ങൾ ഇനിയും നടപ്പാക്കാനുണ്ട്.

2018ലെ വെള്ളപ്പൊക്കവും തുടർന്ന് കൊവിഡ്-19ഉം നിർമാണ സാമഗ്രികളുടെ ദൗർലഭ്യവും പദ്ധതിയുടെ വേഗത കുറച്ചതായി അധികൃതർ പറഞ്ഞു. സ്മാർട്ട് സിറ്റി കൊച്ചി ഇൻഫ്രാസ്ട്രക്ചർ പ്രൈവറ്റ് ലിമിറ്റഡിന്റെ ചീഫ് എക്സിക്യൂട്ടീവ് ഓഫീസർ ഈ വർഷം ആദ്യം രാജിവച്ചിരുന്നു. പുതിയ സിഇഒയെ ഇനിയും നിയമിച്ചിട്ടില്ല.

നിരവധി പ്രതിസന്ധികളിലൂടെയാണ് ഈ പദ്ധതി കടന്നുപോയത്. ഇതുവരെ കണ്ട വികസനങ്ങളെല്ലാം സർക്കാർ ഇടപെടൽ മൂലമാണ് സാധ്യമായത്, ഇപ്പോഴത്തെ പ്രതിസന്ധിക്ക് സർക്കാരിന്റെ ഊർജം കൂടിയേ തീരൂ. പദ്ധതി പ്രദേശത്തെ 12 ശതമാനം ഭൂമിയിൽ സൗജന്യ നിർമാണ അവകാശം സ്‌മാർട്ട് സിറ്റിക്ക് അനുവദിച്ചു. ഇതനുസരിച്ച് സ്മാർട് സിറ്റിക്ക് 29.5 ഏക്കർ ഭൂമി ലഭിക്കണം. എന്നാൽ, ഇതുമായി ബന്ധപ്പെട്ട് ചില വ്യക്തതകൾ ഇനിയും വന്നിട്ടില്ല.