എന്തുകൊണ്ടാണ് ഹോളി ആഘോഷത്തിന് ആളുകൾ വെള്ള വസ്ത്രം ധരിക്കുന്നത്?

സന്തോഷത്തിന്റെയും നിറങ്ങളുടെയും ഉത്സവമാണ് ഹോളി. നിറങ്ങൾ അല്ലെങ്കിൽ ഗുലാൽ, വാട്ടർ ബലൂണുകൾ, വാട്ടർ ഗണ്ണുകൾ, പൂക്കൾ എന്നിവ ഉപയോഗിച്ച് കളിച്ച് ആഘോഷിക്കാനും സന്തോഷിക്കാനും സുഹൃത്തുക്കളും കുടുംബങ്ങളും ഒത്തുചേരുന്ന സമയമാണിത്. ഹോളി വേളയിൽ, ആളുകൾ അവരുടെ വീടുകൾ അലങ്കരിക്കുകയും രുചികരമായ വിഭവങ്ങൾ, മധുരപലഹാരങ്ങൾ, ഗുജിയ, തണ്ടൈ, മാൽപുവ, ദാഹി ബല്ല തുടങ്ങിയ പാനീയങ്ങൾ തയ്യാറാക്കുകയും സമ്മാനങ്ങൾ കൈമാറുകയും അടുത്തുള്ളവരെയും പ്രിയപ്പെട്ടവരെയും സന്ദർശിക്കുകയും ചെയ്യുന്നു. എന്നിരുന്നാലും, എല്ലാ വീട്ടിലും ഏറ്റവും സാധാരണമായ ഒരു ആചാരമാണ് ഹോളി ആഘോഷിക്കാൻ വെള്ള വസ്ത്രം ധരിക്കുന്നത്. ഹോളി വേളയിൽ ആളുകൾ എന്തിനാണ് ഈ നിറം തിരഞ്ഞെടുക്കുന്നതെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ?

ഹോളിയിൽ ആളുകൾ വെള്ള വസ്ത്രം ധരിക്കുന്നതിന് നിരവധി കാരണങ്ങളുണ്ട്. ഒന്ന്, ഹോളി കളിക്കാൻ ഉപയോഗിക്കുന്ന വിവിധ നിറങ്ങൾ – പച്ച, ചുവപ്പ്, മഞ്ഞ, പിങ്ക്, ഓറഞ്ച്, വയലറ്റ്, നീല തുടങ്ങിവയാണ്. വെള്ള വസ്ത്രങ്ങളിൽ ഈ നിറങ്ങൾ വേറിട്ടുനിൽക്കുന്നു. കൂടാതെ, വേനൽക്കാലത്താണ് ഹോളി ആഘോഷം നടക്കുന്നത്. വെളുത്ത വസ്ത്രങ്ങൾ ധരിക്കുന്നത് ഒരു വ്യക്തിക്ക് അമിതമായ ചൂട് അനുഭവപ്പെടാനുള്ള സാധ്യത കുറയ്ക്കുന്നു. കൂടാതെ, ചൂടുള്ള കാലാവസ്ഥയിൽ വെളുത്ത വസ്ത്രങ്ങൾ സൗകര്യപ്രദമാണ്.

വെള്ള സത്യത്തിന്റെയും സമാധാനത്തിന്റെയും പ്രതീകമാണ്. തിന്മയുടെയും സാഹോദര്യത്തിന്റെയും മേൽ നന്മയുടെ വിജയത്തിൻറെ ആഘോഷങ്ങളാണ് ഹോളിയും ഹോളിക ദഹനുമെന്ന് ഹിന്ദുക്കൾ വിശ്വസിക്കുന്നു. അസുരരാജാവായ ഹിരണ്യകശിപു, മകൻ പ്രഹ്ലാദൻ, സഹോദരി ഹോളിക, മഹാവിഷ്ണുവിന്റെ അവതാരമായ നരസിംഹം എന്നിവരുടെ കഥ ഹോളിയുമായി ബന്ധപ്പെട്ടിരിക്കുന്നു. ഒരു മനുഷ്യനാലോ മൃഗത്തിനാലോ താൻ കൊല്ലപ്പെടാൻ ഇടയാകരുതെന്ന് തപസ് ചെയ്ത് ഹിരണ്യകശിപു വരം നേടിയതായി പുരാണങ്ങൾ പറയുന്നു. ഇതിനുശേഷം ആരും ദൈവത്തെ പൂജിക്കരുതെന്നും തന്നെ ആരാധിക്കണമെന്നും ഹിരണ്യകശിപു ആളുകളെ ഭീഷണിപ്പെടുത്തി. എന്നാൽ, വിഷ്ണുഭക്തനായ അദ്ദേഹത്തിന്റെ മകൻ പ്രഹ്ലാദൻ ഇതിനു വിസമ്മതിച്ചു. ക്ഷുഭിതനായ ഹിരണ്യകശിപു, ഹോളികയോട് പ്രഹ്ലാദനെ കൊല്ലാൻ ആവശ്യപ്പെട്ടു. ഹോളിക, പ്രഹ്ലാദനെ മടിയിൽ വെച്ച്, അഗ്നിയിൽ നിന്ന് സംരക്ഷിക്കുന്ന തുണി ധരിച്ച് തീയിൽ ഇരുന്നു. പ്രഹ്ലാദൻ മഹാവിഷ്ണുവിനെ പ്രാർത്ഥിച്ചു. മഹാവിഷ്ണുവിന്റെ നരസിംഹാവതാരം പ്രഹ്ലാദനെ രക്ഷിക്കുകയും ഹിരണ്യകശിപുവിനെ വധിക്കുകയും ചെയ്തുവെന്നാണ് വിശ്വാസം. അതിനാൽ, വെള്ള ധരിക്കുന്നത് വിശുദ്ധി, നന്മ, സമാധാനം, ഐക്യം എന്നിവയുടെ പ്രതീകമായി കാണുന്നു. എല്ലാ ദുഷ്പ്രവർത്തികളും മറന്ന് നന്മകൾ ഉൾക്കൊണ്ടാണ് ആളുകൾ ഈ ദിവസം ആഘോഷിക്കുന്നത്.