വീർ ബാൽ ദിവസ് : ന്യൂഡൽഹിയിൽ കേരള സംഘത്തിന്റെ കളരിപ്പയറ്റ്

വീർ ബാൽ ദിവസ് പരിപാടികളുടെ ഭാ​ഗമായി ന്യൂ‍ഡൽഹിയിലെ ഭാരത് മണ്ഡ‍പത്തിൽ നടന്ന പരിപാടികളിൽ കേരളത്തിൽ നിന്നുള്ള കുട്ടികൾ കളരിപ്പയറ്റ് അവതരിപ്പിച്ചു.

പ്രധാനമന്ത്രി നരേന്ദ്ര മോദി, കേന്ദ്രമന്ത്രിമാരായ സ്മ‍ൃതി ഇറാനി, അനുരാ​ഗ് സിങ് ഠാക്കൂർ,  ധർമേന്ദ്ര പ്രധാൻ തുടങ്ങിയവർ പ്രകടനം വീക്ഷിച്ചു. രണ്ട് മിനിറ്റ് 52 സെക്കഡന്റ് നീണ്ട പ്രക‌ടനം ഏറെ പ്രശംസ നേടി.

കേരളത്തിൽ നിന്നുള്ള 16 അം​ഗ സംഘമാണ് കള​രിപ്പയറ്റ് അവതരിപ്പിച്ചത്. പിന്നീട്  രാഷ്ട്രപതി ഭവനും, അമൃത് ഉദ്യാ​നവും പ്രധാൻമന്ത്രി സം​ഗ്രഹാലയവും സന്ദർശിക്കാനുള്ള അവസരവും കുട്ടികൾക്ക് ലഭിച്ചു.