വസ്ത്രത്തിന്റെപേരിൽ മെട്രോയിൽ പ്രവേശനം വിലക്കാനാവില്ലെന്ന് മനുഷ്യാവകാശ കമ്മിഷൻ

ബെംഗളൂരുവിൽ വസ്ത്രധാരണത്തിന്റെ പേരിൽ കർഷകന് മെട്രോ സ്റ്റേഷനിൽ പ്രവേശനംവിലക്കിയ സംഭവത്തിൽ സ്വമേധയാ കേസെടുത്ത് ദേശീയ മനുഷ്യാവകാശ കമ്മിഷൻ. വസ്ത്രധാരണത്തിന്റെ പേരിൽ ഒരു വ്യക്തിക്ക്‌ പൊതുഗതാഗതത്തിൽ പ്രവേശനം നിഷേധിക്കാനാകില്ലെന്ന് നിരീക്ഷിച്ച കമ്മിഷൻ നാലാഴ്ചയ്ക്കകം വിശദറിപ്പോർട്ട് ആവശ്യപ്പെട്ട് കർണാടക സർക്കാർ ചീഫ് സെക്രട്ടറി, ബെംഗളൂരു മെട്രോ റെയിൽ കോർപ്പറേഷൻ ലിമിറ്റഡ് മാനേജിങ് ഡയറക്ടർ എന്നിവർക്ക് നോട്ടീസയച്ചു.