അർബുദവ്യാപനം തടയാനുള്ള പുതിയ മരുന്ന് മൂന്നുമാസത്തോടെ വിപണിയിൽ

അർബുദകോശങ്ങൾ പുറത്തുവിടുന്ന ക്രൊമാറ്റിൻ ഘടകം പുതിയ കോശങ്ങളിലേക്ക് രോഗംപടരാൻ കാരണമാകുന്നുവെന്ന കണ്ടെത്തലിനെത്തുടർന്നാണ് ഇതിനെതിരായ മരുന്ന് വികസിപ്പിച്ചെടുത്തതെന്ന് ടാറ്റാ മെമ്മോറിയൽ സെന്ററിലെ ഗവേഷകർ. പാൻക്രിയാസ്, ശ്വാസകോശം, വായ എന്നിവയെ ബാധിക്കുന്ന അർബുദങ്ങൾക്ക് ഈ ഗുളിക വളരെ ഫലപ്രദമാണെന്നും ഫുഡ് സേഫ്റ്റി ആൻഡ് സ്റ്റാൻഡേഡ് അതോറിറ്റി ഓഫ് ഇന്ത്യയുടെ (എഫ്.എസ്.എസ്.എ.ഐ.) അംഗീകാരത്തിനുശേഷം മൂന്നുമാസത്തോടെ വിപണിയിൽ ലഭ്യമാകുമെന്നും ഗവേഷണസംഘത്തിലെ മുതിർന്ന അംഗമായ ഡോ. രാജേന്ദ്ര ബദ്വെ പറഞ്ഞു. പത്തുവർഷത്തെ ശ്രമത്തിനൊടുവിലാണ് റസ്‌വിരാട്രോൾ, കോപ്പർ (R+Cu) എന്നീ ഘടകങ്ങൾ അടങ്ങിയ പ്രോ ഓക്സിഡന്റ് ഗുളിക വികസിപ്പിച്ചെടുത്തത്.