രാജ്യത്ത് ഏറ്റവുമധികം കാലാവസ്ഥാവ്യതിയാനം റിപ്പോര്‍ട്ടുചെയ്തത് കേരളത്തിൽ

2023 ജനുവരി ഒന്നുമുതല്‍ നവംബര്‍ 30 വരെയാണ് പഠനം നടത്തിയത്. 2023-ലെ 365 ദിവസങ്ങളില്‍ 318-ലും ഇന്ത്യയില്‍ അതിരൂക്ഷ കാലാവസ്ഥാ സംഭവങ്ങള്‍ രേഖപ്പെടുത്തിയിട്ടുണ്ട്. തീവ്രകാലാവസ്ഥാവ്യതിയാനം ഏറ്റവുംകൂടുതല്‍ പ്രകടമായത് ഹിമാചല്‍ പ്രദേശിലാണ് (149 ദിവസങ്ങൾ), തൊട്ടുപിന്നില്‍ മധ്യപ്രദേശ് (141), കേരളം (119), ഉത്തര്‍പ്രദേശ് (119 ) എന്നീ സംസ്ഥാനങ്ങളാണ്. എട്ടുസംസ്ഥാനങ്ങളില്‍ 100 ദിവസത്തിലധികം തീവ്രകാലാവസ്ഥ രേഖപ്പെടുത്തി. 208 ദിവസങ്ങളിൽ കനത്തമഴയും വെള്ളപ്പൊക്കവും മണ്ണിടിച്ചിലുമുണ്ടായി. 202 ദിവസങ്ങളില്‍ മിന്നലും കൊടുങ്കാറ്റും 49 ദിവസങ്ങളില്‍ ഉഷ്ണതരംഗങ്ങളും 29 ദിവസങ്ങളില്‍ തണുത്ത തിരമാലകളും ഒമ്പതുദിവസങ്ങളില്‍ മേഘസ്ഫോടനവുമുണ്ടായി.