തോട്ടുമുഖം ലിഫ്റ്റ് ഇറിഗേഷന്‍ ഗുണഭോക്താക്കളുടെ യോഗം ചേര്‍ന്നു

തൃക്കൂര്‍ – അളഗപ്പനഗര്‍ മേഖലയിലെ ഗുണഭോക്താക്കളുടെ നേതൃത്വത്തില്‍ തോട്ടുമുഖം ലിഫ്റ്റ് ഇറിഗേഷന്‍ സംരക്ഷണ സമിതി എന്ന പേരില്‍ സമിതി രൂപീകരിച്ച് രജിസ്റ്റര്‍ ചെയ്ത് പ്രവര്‍ത്തനങ്ങള്‍ സംഘടിപ്പിക്കാന്‍ യോഗത്തില്‍ തീരുമാനിച്ചു.

കെ.കെ രാമചന്ദ്രന്‍ എംഎല്‍എ രക്ഷാധികാരിയായും, അളഗപ്പനഗര്‍ ഗ്രാമപഞ്ചായത്ത് പ്രസിഡന്റ് പ്രിന്‍സണ്‍ തയ്യാലക്കല്‍ പ്രസിഡന്റും, പ്രിന്‍സ് മഞ്ഞളി സെക്രട്ടറിയായും, ആനന്ദകുമാര്‍ ട്രഷറമായിട്ടുള്ള 21 അംഗ സമിതിയാണ് രൂപീകരിച്ചത്. വരന്തരപ്പിള്ളി മേഖലയിലെ ഗുണഭോക്താക്കളുടെ യോഗം നാളെ (ഫെബ്രുവരി 29 ന്) കുട്ടന്‍ചിറ മദ്രസാ ഹാളില്‍ വെച്ച് രാവിലെ 10.30 ന് ചേരും.