സ്ഥാനാർഥികളെക്കുറിച്ചുള്ള വിവരങ്ങൾ പോളിങ് ബൂത്തുകളിൽ പ്രദർശിപ്പിക്കുമെന്ന് തിരഞ്ഞെടുപ്പ് കമ്മിഷൻ

ലോക്‌സഭാ തിരഞ്ഞെടുപ്പിൽ മത്സരിക്കുന്ന സ്ഥാനാർഥികളുടെ പേരിലുള്ള കേസുകളെക്കുറിച്ചും അവരുടെ സ്വത്തുക്കളെക്കുറിച്ചും വോട്ടർമാരെ അറിയിക്കാൻ മഹാരാഷ്ട്ര തിരഞ്ഞെടുപ്പ് കമ്മിഷൻ. വരുന്ന ലോക്‌സഭാ തിരഞ്ഞെടുപ്പിൽ മഹാരാഷ്ട്രയിൽ മത്സരിക്കുന്ന സ്ഥാനാർഥികളുടെ വിവരങ്ങൾ പോളിങ് ബൂത്തുകളിൽ പ്രദർശിപ്പിക്കുമെന്ന് മഹാരാഷ്ട്ര സ്റ്റേറ്റ് ചീഫ് ഇലക്ടറൽ ഓഫീസർ ശ്രീകാന്ത് ദേശ്പാണ്ഡെ വ്യക്തമാക്കി. തിരഞ്ഞെടുപ്പ് കമ്മിഷന്റെ ഭാഗത്തുനിന്ന് ഇത്തരമൊരു നീക്കം രാജ്യത്തുതന്നെ ആദ്യമായിട്ടായിരിക്കുമെന്ന് അദ്ദേഹം വ്യക്തമാക്കി.