കോൺഗ്രസിന് വീണ്ടും തിരിച്ചടി; നന്ദേഡിലെ 55 മുൻ കോർപ്പറേറ്റർമാർകൂടി ബി.ജെ.പി.യിൽ

കോൺഗ്രസിന് വീണ്ടും തിരിച്ചടി. കോൺഗ്രസ് വിട്ട മുതിർന്നനേതാവ് അശോക് ചവാനെ പിന്തുണച്ച് നന്ദേഡ്-വഘാല സിറ്റി മുനിസിപ്പൽ കോർപ്പറേഷനിലെ 55 മുൻ കോർപ്പറേറ്റർമാർ ബി.ജെ.പി.യിൽ ചേർന്നു.

അശോക് ചവാന്റെ സാന്നിധ്യത്തിലാണ് ചടങ്ങ് നടന്നത്. നന്ദേഡിലെ കോൺഗ്രസിന്റെ ശക്തനായ നേതാവും മുൻമുഖ്യമന്ത്രിയുമായ അശോക് ചവാൻ 10 ദിവസം മുമ്പാണ് ബി.ജെ.പി.യിൽ ചേർന്നത്. ബി.ജെ.പി. ടിക്കറ്റിൽ രാജ്യസഭയിലേക്ക് തിരഞ്ഞെടുക്കപ്പെട്ടിട്ടുണ്ട്.