നവകേരള സദസ്; സ്പോൺസർമാരും ചെലവുകളും അജ്ഞാത൦

മുഖ്യമന്ത്രിയും മന്ത്രിമാരും പങ്കെടുത്ത നവകേരള സദസ് പരിപാടി സംഘടിപ്പിക്കാൻ സ്‌പോൺസർമാർ ആരെന്നോ എത്ര തുക ചെലവഴിച്ചെന്നോ ഉള്ള ചോദ്യങ്ങൾക്ക് ജില്ലാ ഭരണകൂടത്തിന് വിശദീകരണമില്ല. വകുപ്പ് 6(3) പ്രകാരമാണ് വിവരങ്ങൾ ആവശ്യപ്പെട്ടത് ) വിവരാവകാശ നിയമത്തിൽ, വിശദീകരണം നൽകാൻ കഴിയുന്നില്ലെങ്കിൽ, അപേക്ഷ മറ്റ് വകുപ്പുകൾക്ക് കൈമാറണമെന്ന് പറയുന്നു. അപേക്ഷ ബന്ധപ്പെട്ട ഓഫീസിലേക്ക് അയക്കാനുള്ള നിയമപരമായ ചുമതല പബ്ലിക് ഇൻഫർമേഷൻ ഓഫീസർക്ക് ഉണ്ട്. എന്നാൽ, ഇക്കാര്യത്തിൽ നടപടികളൊന്നും ഉണ്ടായില്ല.

നവകേരള സദസിന് എറണാകുളം ജില്ലയിൽ എത്ര പണം ചെലവഴിച്ചു, സ്‌പോൺസർഷിപ്പ് വഴി എത്ര തുക സമാഹരിച്ചു എന്ന ചോദ്യത്തിന് സ്‌പോൺസർഷിപ്പിലൂടെ പണം ചെലവഴിക്കുകയോ പിരിച്ചെടുക്കുകയോ ചെയ്‌തിട്ടില്ലെന്നായിരുന്നു ജില്ലാ ഭരണകൂടത്തിൻ്റെ മറുപടി. സ്പോൺസർമാരുടെ വിവരങ്ങളും അറിവായിട്ടില്ല.

എന്നാൽ, നവകേരള സദസ് വഴി ആകെ 52,657 നിവേദനങ്ങൾ ലഭിച്ചതായും അതിൽ 22,705 എണ്ണം പരിഹരിച്ചതായും അവർ വ്യക്തമാക്കി. 3133 കേസുകളിൽ സംസ്ഥാനം ഇതിനകം നടപടി സ്വീകരിച്ചതായും അവർ പങ്കുവെച്ചു.