വീണ്ടും ഞെട്ടിക്കാനൊരുങ്ങി മമ്മൂക്ക-ബസൂക്ക: അവസാന ഘട്ട ചിത്രീകരണം ആരംഭിച്ചു

ബ്രാമയുഗത്തിനു ശേഷം മമ്മൂക്ക ആരാധകർ വൻ പ്രതീക്ഷയോടെ കാത്തിരിക്കുന്ന ചിത്രമാണ് ബസൂക്ക . മമ്മൂട്ടിയെ നായകനാക്കി ഡിനോഡെന്നിസ് തിരക്കഥ രചിച്ച് സംവിധാനം ചെയ്യുന്ന ബസുക്ക എന്ന ചിത്രത്തിൻ്റെ അവസാന ഘട്ട ചിത്രീകരണം കൊച്ചിയിൽ ആരംഭിച്ചു എന്നാണ് പുറത്തു വരുന്ന റിപ്പോർട്ടുകൾ . അന്വേഷിപ്പിൻ കണ്ടെത്തും എന്ന ചിത്രത്തിനു ശേഷം തീയേറ്റർ ഓഫ് ഡ്രീംസിൻ്റെ ബാനറിൽ .ജിനു.വി. ഏബ്രഹാം ഡോൾവിൻ കുര്യാക്കോസ്എന്നിവരാണ് ഈ ചിത്രം നിർമ്മിക്കുന്നത്. ചിത്രത്തിന്റെ മറ്റു ഭാഗങ്ങളുടെയെല്ലാം ഷൂട്ടിങ് നേരത്തെ കഴിഞ്ഞിട്ടുണ്ടായിരുന്നു . പ്രധാനമായും
ഗൗതം വാസുദേവ മേനോൻ പങ്കെടുക്കുന്ന രംഗങ്ങളാണ് ഇനിയും ചിത്രീകരിക്കുവാനുള്ളത്. ഗെയിം ത്രില്ലെർ ജോനോറിൽ ചിത്രീകരിക്കുന്ന സിനിമയിൽ സിദ്ധാർത്ഥ് ഭരതൻ ,ഷൈൻ ടോം ചാക്കോ, ഡീൻ ഡെന്നിസ് ,, സുമിത് നേവൽ, സ്ഫടികം ജോർജ്, ദിവാ പിള്ള, ഐശ്യര്യാ മേനോൻ എന്നിവർ പ്രധാന താരങ്ങളായി എത്തുന്നു. സിനിമയ്ക്കായി മിഥുൻ മുകുന്ദ് സംഗീതവും നിമിഷ രവി ഛായാഗ്രഹണവും നിർവഹിക്കുന്നു .കൊച്ചി, പാലക്കാട്, കോയമ്പത്തൂർ, ബാംഗ്ലൂർ എന്നിവിടങ്ങളിലാണ് ചിത്രത്തിൻ്റെ ചിത്രീകരണം പ്രധാനമായും നടന്നത് .