പാമ്പിൻ വിഷത്തെ നിർവീര്യമാക്കാൻ പുതിയ ആൻ്റിബോഡി

​ഉ​ഗ്ര വിഷമുള്ള പാമ്പുകളുടെ വിഷത്തെ പ്രതിരോധിക്കാൻ കഴിയുന്ന പുതിയ ആൻ്റിബോഡി വികസിപ്പിച്ചെടുത്തിരിക്കുകയാണ് ബെംഗളൂരുവിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസിലെ (IISc) ശാസ്ത്രജ്ഞർ. ഒരു സിന്തറ്റിക് ഹ്യൂമൻ ആൻ്റിബോഡിയാണ് ഇവർ കണ്ടുപിടിച്ചിരിക്കുന്നത്. മൂർഖൻ, രാജവെമ്പാല, ക്രെയ്റ്റ്, ബ്ലാക്ക് മാമ്പ തുടങ്ങിയ ഉ​ഗ്ര വിഷമുള്ള എല്ലാവിധ പാമ്പുകളുടെയും വിഷത്തെ പ്രതിരോധിക്കാനും ഇവ ഉത്പാദിപ്പിക്കുന്ന ശക്തമായ ന്യൂറോടോക്സിനെ നിർവീര്യമാക്കാനും പുതുതായി കണ്ടുപിടിച്ച ആൻ്റിബോഡിക്ക് കഴിയുമെന്നാണ് ശാസ്ത്രജ്ഞർ അവകാശപ്പെടുന്നു.

പാമ്പുകടിയേറ്റ് ഓരോ വർഷവും ആയിരക്കണക്കിന് പേരാണ് മരിക്കുന്നത്. പ്രത്യേകിച്ച് ഇന്ത്യയിലും സബ്-സഹാറൻ ആഫ്രിക്കയിലും. കുതിരകളിലേക്ക് പാമ്പിന്റെ വിഷം കുത്തിവയ്‌ക്കുകയും അവയുടെ രക്തത്തിൽ നിന്ന് ആൻ്റിബോഡികൾ ശേഖരിക്കുകയും ചെയ്യുന്നതാണ് ആൻ്റി വെനം വികസിപ്പിക്കുന്നതിനുള്ള നിലവിലെ തന്ത്രം. എന്നാൽ ഇതിന് നിരവധി പ്രശ്നങ്ങൾ ഉണ്ട്. ഈ മൃഗങ്ങൾ വിവിധ ബാക്ടീരിയകളോടും വൈറസുകളോടും സമ്പർക്കം പുലർത്തുന്നു. തത്ഫലമായി, ആൻ്റി വെനങ്ങളിൽ സൂക്ഷ്മാണുക്കൾക്കെതിരായ ആൻ്റിബോഡികളും ഉൾപ്പെടുന്നു. ഇത് ദോഷം ചെയ്യും. ആന്റി-വെനം കുപ്പിയുടെ 10 ശതമാനത്തിൽ താഴെ മാത്രമേ പാമ്പിന്റെ വിഷത്തിനെതിരായ ആൻ്റിബോഡികൾ അടങ്ങിയിട്ടുള്ളൂവെന്നും ഗവേഷണങ്ങൾ തെളിയിച്ചിട്ടുണ്ട്.